बँकेत नोकरी करण्याची इच्छा असणाऱ्या तरुणांसाठी महत्त्वाची बातमी आहे. युको बँकेत सध्या भरती सुरु आहे. युको बँकेत २५० रिक्त पदांसाठी भरती जाहीर करण्यात आली आहे. या नोकरीसाठी अर्जप्रक्रिया सुरु झाली आहे. युको बँकेत अधिकारी होण्याची ही सुवर्णसंधी आहे.

युको बँकेत लोकल बँक ऑफिसर पदासाठी भरती जाहीर करण्यात आली आहे. याबाबत बँकेने अधिकृत वेबसाइटवर जाहिरात प्रसिद्ध केली आहे. या नोकरीसाठी अर्जप्रक्रिया १६ जानेवारीपासून सुरु झाली आहे. अर्ज करण्याची शेवटची तारीख ५ फेब्रुवारी २०२५ आहे. त्यामुळे या नोकरीसाठी इच्छुक उमेदवारांनी लवकरात लवकर अर्ज करावेत. (UCO Bank job)

युको बँकेतील भरती वेगवेगळ्या राज्यांसाठी करण्यात आली आहे. महाराष्ट्रात ७० जागा रिक्त आहेत. इच्छुक उमेदवार आपापल्या राज्यात अर्ज करु शकतात. त्यामुळे ही तुमच्यासाठी चांगली संधी आहे.

या नोकरीसाठी अर्ज करणाऱ्या उमेदवाराने पदवीधर असणे गरजेचे आहे. २० ते ३० वयोगटातील उमेदवार या नोकरीसाठी अर्ज करु शकतात. राखीव प्रवर्गातील उमेदवारांना वयोमर्यादेत सूट देण्यात आली आहे. (UCO Bank Recruitment)

या भरतीसाठी उमेदवारांची निवड लेखी परीक्षेच्या आधारे होणार आहे. यामध्ये तुम्हाला सामान्य ज्ञान, अर्थव्यवस्था, इंग्रजी याबाबतचे प्रश्न विचारले जाणार आहे. या परीक्षेत पास झाल्यावर तुम्हाला कागदपत्र पडताळणीसाठी बोलवले जाणार आहे. या नोकरीसाठी सामान्य प्रवर्गातील उमेदवारांना ८५० रुपये शुल्क भरावे लागणार आहे. तर राखीव प्रवर्गातील उमेदवारांना १७५ रुपये शुल्क भरावे लागणार आहे.