सरकारी कंपनीत नोकरी करण्याची सुवर्णसंधी तुमच्याकडे आहे. स्टील ऑथोरिटी ऑफ इंडिया लिमिटेडमध्ये नोकरी करण्याची संधी आहे. स्टील ऑथोरिटी ऑफ इंडियामध्ये नुकतीच भरती जाहीर करण्यात आली आहे. या नोकरीबाबत अधिकृत अधिसूचनादेखील जाहीर करण्यात आली आहे. त्यामुळे इच्छुकांनी लवकरात लवकर अधिसूचना वाचावी.

स्टील ऑथोरिटी ऑफ इंडियामधील (SAIL Recruitment) या नोकरीसाठी अर्ज करण्याची शेवटची तारीख २६ ऑक्टोबर २०२५ आहे. त्यामुळे तुम्ही अंतिम मुदतीपर्यंत अर्ज करु शकतात.

स्टील ऑथोरिटी ऑफ इंडियामध्ये असिस्टंट मॅनेजर आणि ज्युनिअर इंजिनियरिंग असोसिएट पदासाठी भरती जाहीर करण्यात आली आहे. यासाठी www.sail.co.in या वेबसाइटवर जाऊन अर्ज करावेत. या नोकरीसाठी अर्जप्रक्रिया २७ सप्टेंबरपासून सुरु झाली आहे.

स्टील ऑथोरिटी ऑफ इंडियामधील या नोकरीसाठी निवड झाल्यावर सुरुवातीला ५०,००० ते १,६०,००० रुपये पगार मिळणार आहे. एक वर्षांची सर्व्हिस पूर्ण झाल्यानंतर ६०,००० ते १,८०,००० रुपये पगार मिळणार आहे. ज्युनिअर असोसिएट पदासाठी २६६०० ते ३८९२० रुपये पगार मिळणार आहे.या नोकरीसाठी उमेदवारांची निवड लेखी परीक्षेद्वारे होणार आहे.

शैक्षणिक पात्रता (Eligibility)

सेलमधील या नोकरीसाठी विविध पदांसाठी पात्रता वेगवेगळी असणार आहे. तुम्ही १०वी पास असणे गरजेचे आहे.ज्युनिअर इंजिनियरिंग असोसिएट पदासाठी अर्ज करणाऱ्या उमेदवाराने ३ वर्षांचा डिप्लोमा मॅकेनिकल /इलेक्ट्रिकल/केमिकल/पावर प्लांट/प्रोडक्शन/इंस्ट्रूमेंटेशन इंजीनियरिंग डिसिप्लीनमध्ये केलेला असावा.

असिस्टंट मॅनेजर (सेफ्टी) पदासाठी उमेदवारांनी बी.ई किंवा बीटेक केलेले असावे. याचसोबत २ वर्षांचा कामाचा अनुभव असावा. या नोकरीसाठी अर्ज करणाऱ्या उमेदवारांची कमाल वयोमर्यादा ३० वर्षे असावी.