तरुणांसाठी सरकारी नोकरीची सुवर्णसंधी आहे. कर्मचारी राज्य विमा महामंडळात वेगवेगळ्या पदांसाठी भरती करण्यात येणार आहे. या नोकरीसाठी इच्छुक उमेदवारांनी अर्ज करायचे आहेत.

कर्मचारी राज्य विमा महामंडळात प्रोफेसर, असोसिएट प्रोफेसर पदासांठी रिक्त जागा आहे. या नोकरीसाठी पात्र उमेदवार अर्ज करु शकतात. कर्मचारी राज्य विमा महामंडळाच्या अधिकृत वेबसाइटवर जाऊन तुम्ही अर्ज करु शकतात. esic.gov.in या वेबसाइटवर या नोकरीबाबत सर्व माहिती दिलेली आहे.

ESIC च्या या नोकरीसाठी अर्ज प्रक्रिया सुरु झाली आहे. या नोकरीसाठी एकूण २२ पदे भरती केली जाणार आहे. प्रोफेसर या पदासाठी ६ रिक्त जागा आहे. असोसिएट प्रोफेसर पदासाठी १६ जागांवर भरती करण्यात येणार आहे. यामध्ये बायोकेमिस्ट्री, फॉरेन्सिक मेडिसिन्स, ऑर्थोपेडिकस, रेडिओ डायग्नोसिस या विभागात प्रोफेसर भरती केली जाणार आहे.

प्रोफेसर पदासाठी निवड झालेल्या उमेदवारांना २,११,८७८ रुपये पगार मिळणार आहे तर असोसिएट प्रोफेसर पदासाठी १,४०,८९४ रुपये पगार मिळणार आहे.या नोकरीसाठी संबंधित विषयात पोसट ग्रॅज्युएशनची पदवी प्राप्त असणे गरजेचे आहे.याचसोबत ६-९ वर्षांचा अनुभ असणे गरजेचे आहे.

या नोकरीसाठी उमेदवारांची निवड वॉक इन इंटरव्ह्यूद्वारे केली जाणार आहे. २३ ऑगस्ट रोजी हा इंटरव्ह्यू होणार आहे. न्यू अकॅडमिक ब्लॉक,ESIC MC & PGIMSR,राजाजी नगर, बंगळुरु येथे उमेदवारांच्या मुलाखती घेतल्या जाणार आहे. इच्छुक उमेदवारांनी ९.३० ते १०.३० या कालावधीत मुलाखतीसाठी उपस्थित राहावे.