Zomato Tweet : ऑनलाइन फूड डिलिव्हरी कंपनी Zomato सोशल मीडियावरही प्रचंड अॅक्टिव्ह आहे. झोमॅटोच्या सोशल मीडियावरील पोस्ट अनेकदा व्हायरल होतात. असंच एक ट्वीट सध्या सोशल मीडियावर व्हायरल होत आहे. झोमॅटोने भोपाळमध्ये राहणाऱ्या 'अंकिता'ला उद्देशून हे ट्वीट केलं आहे.

झोमॅटोने तिच्या एक्स बॉयफ्रेंडला कॅश ऑन डिलिव्हरीवर फूट पाठवणे थांबवण्याचे आवाहन केले आहे. यामागे Zomato ने दिलेले कारण खूपच मजेशीर आहे.

झोमॅटोच्या ट्वीटनुसार, 'अंकिता' तिच्या एक्स बॉयफ्रेंडला कॅश ऑन डिलिव्हरी (COD) मोडवर सतत फूड पाठवत होती. म्हणजे या ऑर्डरचे पैसे 'अंकिता'च्या एक्स बॉयफ्रेंडने देणे अपेक्षित आहे. पण अंकिताचे एक्स बॉयफ्रेंड ऑर्डरचे पैसे देण्यास नकार देत होता. हे एक-दोनदा नाही तर तीन वेळा घडले. (Latest News Update)

अखेर याबाबत झोमॅटोनेच ट्वीट केले आहे. झोमॅटोने आपल्या ट्वीटमध्ये म्हटलं की, भोपाळमधील अंकिता कृपया तुमच्या एक्स बॉयफ्रेंडला कॅश ऑन डिलिव्हरीवर अन्न पाठवणे थांबवा. तिसऱ्यांदा तो पैसे देण्यास नकार देत आहे.

Zomatoचं हे ट्वीट आता सोशल मीडियावर जबरदस्त व्हायरल होत आहे. आतापर्यंत 5.50 लाखांहून अधिक व्ह्यूज आणि 7000 हून अधिक लाईक्स मिळाले आहेत.