मेरठ - भारतातलं सगळ्यात मोठं गॅरेज मार्केट म्हणून पाहिलं जातं मेरठच्या सौतीगंज गॅरेज मार्केटकडे. 1950 पासून इथं हे मार्केट असल्याचा दावा केला जातो. डिसेंबरच्या 18 तारखेला एक नोटीस येते आणि  दुसऱ्या दिवसापासून तुमचे उद्योग बंद करा, असं सांगितलं जातं. योगी सरकारकडून एका रात्रीत ही कारवाई केली गेली. ऐन निवडणुकीच्या (Election) तोंडावर केलेली ही कारवाई राजकीय हेतूने केल्याचा आरोप केला जात आहे.

हे देखील पहा -

चोरीच्या गाड्यांची इथे खरेदी विक्री केली जाते, तसंच या गाड्या इथं आणून त्या कापल्या जातात. यातून कोट्यवधींच अवैध संपत्ती मिळवल्याचा आरोप या गॅरेज व्यापाऱ्यांवर आहे. सध्या दोनशेहून अधिक जणांवर गुन्हे दाखल आहे. चार जणांवर गॅंगस्टरचा गुन्हा देखील दाखल आहे. या सगळ्या प्रकरणावर पंतप्रधान नरेंद्र मोदींनी जाहीर भाषणातही टिपण्णी केली.

ज्यांनी चुकीची कामं केली, ते जेलमध्ये आहेत. त्यांच्यावर जरुर कारवाई करा. पण म्हणून सर्व उद्योग एका रात्रीत बंद करुन शेकडो कुटुंबाना शिक्षा कशाला देता, अशी मागणी इथल्या गॅरेज धारकांची आहे.ऐन निवडणुकीच्या तोंडावर घडलेला हा सगळा प्रकार केवळ धार्मिक ध्रुवीकरणासाठी केल्याचा आरोप केला जात आहे. त्यामुळे या मतदारांचा फटका भाजपला बसण्याची शक्यता आहे.

Edited By - Shivani Tichkule