वृत्तसंस्था : बिहारमधील पूर्णिया जिल्ह्यामध्ये एक धक्कादायक घटना घडली आहे. जमिनीच्या वादातून एका व्यक्तीची हत्या (Murder) करण्यात आली आहे. धक्कादायक विषय म्हणजे प्रेयसीनेच (girlfriend) ही हत्या केली आणि प्रियकराचा (boyfriend) मृतदेह तिच्या पलंगाखाली गाडून ठेवल्याचा धक्कादायक प्रकार घडला आहे. घटना उघडकीस येताच आसपासच्या लोकांना धक्का बसला आहे.

संपूर्ण प्रकार बघून पोलिस (Police) देखील चक्रावून गेले आहेत. जमिनीचा वाद टोकाला गेल्यानंतर प्रेयसीने प्रियकराची चाकू भोसकून हत्या केली आहे. त्यानंतर तिने त्याचा मृतदेह स्वत:च्या बेडरूममध्ये (bedroom) पलंगाखाली दफन करून ठेवला आहे. पूर्णिया (Purnia) पोलीस ठाण्याच्या हद्दीमध्ये राहणारे संपत पासवान एका आठवड्या (Weeks) अगोदर बेपत्ता झाले होते.

हे देखील पहा-

जमिनीचे व्यवहार करणाऱ्या संपत यांचे अपहरण झाले असावे अशी शंका कुटुंबियांनी (family) होती. आता त्यांचा मृतदेह प्रेयसीच्या बेडरुममध्ये सापडला आहे. सरना चौक परिसरामध्ये वास्तव्यास असलेल्या आशा देवी यांच्या घराची जमीन खोदून पासवान यांचा मृतदेह बाहेर काढण्यात आला आहे. अवैध संबंध आणि जमिनीच्या वादामधून संपत पासवान यांची हत्या झाल्याची माहिती समोर आली आहे.

आरोपी आशा देवीने संपत यांची हत्या करून त्यांचा मृतदेह स्वत:च्या घरात पलंगाखाली गाडून टाकला होता. संपत पासवान बेपत्ता असल्याची तक्रार आठवड्या अगोदवेर त्यांच्या कुटुंबियांनी नोंदवली होती. पोलिसांनी संपत यांचा सीडीआर (CDR) चेक केला. त्यानंतर आशा देवीला ताब्यात घेण्यात आले आहे. तिला पोलिस खाक्या दाखवल्यानंतर तिने हत्येची कबुली दिली आहे.

जमिनीच्या वादामधून आशा देवीने तिच्याच घरात संपत यांची चाकूने हत्या केली आहे. त्यानंतर साथीदारांच्या मदतीने संपत यांचा मृतदेह पलंगाखाली (bed) दफन करून टाकला आहे. हत्या करण्याअगोदर संपत पासवान, आशा देवी आणि तिचे साथीदार घरात दारू प्यायले. पोलिसांना घरात दारूच्या बाटल्या देखील सापडले आहेत.

Edited By- Digambar Jadhav