Madhya Pradesh : काही दिवसांपूर्वी मध्यप्रदेशमध्ये एका वाईनशॉपच्या मॅनेजरची दिवसाढवळ्या गोळ्या झाडून हत्या करण्यात आली. तसेच त्याच्या जवळ असलेले २५लाख रुपये घेऊन आरोपी पसार झाले होते. या आरोपींपैकी आता एकाला नालासोपारामधून अटक करण्यात आली आहे. (Wineshop Manager)

सदर हत्याकांडामध्ये ५ व्यक्तींचा समावेशा आहे. दरम्यान निलेश यादव (वय ३०) या आरोपीला नालासोपारा येथून अटक करण्यात आली आहे. सदर घटनेनंतर आरोपी लपण्यासाठी नालासोपारा येथे आला होता.

आरोपी निलेश यादव हा मुंबईमधील कांदिवली परिसरात लपून बसला आहे, अशी माहिती मध्यप्रदेश पोलिसांना सूत्रांकडून मिळाली होती. त्या माहितीनुसार मध्यप्रदेश पोलिसांची एक टीम कांदिवली पोलिसांच्या मदतीने गेल्या तीन दिवसांपासून यादवचा शोध घेत होती.

गुप्त बातमीदाराने दिलेल्या माहितीनुसार आरोपी निलेश यादव हा नालासोपारामध्ये असल्याची माहिती समोर आली. त्यानंतर मध्यप्रदेश पोलिसांनी नालासोपारा (Nalasopara ) पेलहार पोलिसांना याची माहिती दिली.

त्यानंतर अवघ्या चार तासात सापळा रचून आरोपी निलेश यादव याला अटक करून मध्यप्रदेश पोलिसांच्या ताब्यात दिले आहे. नालासोपारा पेलहार ठाण्याच्या डिटेक्शन ब्रँच कडून ही कारवाई करण्यात आली आहे.