जागतिक आरोग्य संघटनेने (WHO) भारत बायोटेकच्या कोविड लस (Corona), कोवॅक्सिनच्या (Covaxin) पुरवठ्यावर बंदी घातली आहे. याबाबत माहिती देताना, जागतिक आरोग्य संघटनेने सांगितले की, गुड मॅन्युफॅक्चरिंग प्रॅक्टिसेस (जीएमपी) म्हणजेच चांगल्या उत्पादन पद्धतीच्या अभावामुळे हा निर्णय घेण्यात आला आहे.

लस घेणारे देश या लसीविरुद्ध योग्य कारवाई करू शकतात. कोवॅक्सीन निलंबित करण्याची घोषणा EUL तपासणीनंतर करण्यात आली आहे. डब्ल्यूएचओच्या (WHO) टीमने 14 मार्च ते 22 मार्च 2022 पर्यंत भारत बायोटेकच्या प्लांटची तपासणी केली होती यानंतर हा निर्णय घेतला आहे.

भारत बायोटेक ही पहिली भारतीय कोरोनावरील (Corona) लस आहे. हैदराबादस्थित भारत बायोटेकने आज एक निवेदन जाहीर केले. "कोवॅक्सिन (Covaxin) घेतलेल्या लाखो लोकांसाठी जारी केलेली लस प्रमाणपत्रे अद्याप वैध आहेत. कारण लसीची प्रभावीता आणि सुरक्षिततेवर कोणताही परिणाम होत नाही, अस या निवेदनात म्हटले आहे.

Edited By- Santosh Kanmuse