दक्षिण -पूर्व अरबी समुद्र आणि केरळ- कर्नाटकाच्या किनारपट्टीपासून ते लक्षद्वीपपर्यंत कमी दाबाचा पट्टा तयार झालाय. हा कमी दाबाचा पट्टा पश्चिम-उत्तर पश्चिमकडे सरकत असून पुढील २४ तासात डिप्रेशनमध्ये बदल होण्याची शक्यता आहे. या परिस्थितीमुळे पुढील सात दिवसांत, केरळ, लक्षद्वीप, तामिळनाडू, पुद्दुचेरी, आंध्र प्रदेश, किनारी आणि दक्षिण अंतर्गत कर्नाटकातील वेगवेगळ्या ठिकाणी मुसळधार ते अतिमुसळधार पाऊस पडण्याची शक्यता आहे.

अंदमान आणि निकोबार बेटांवर १९-२३ ऑक्टोबर दरम्यान हलका ते मध्यम पाऊस पडू शकतो. तर मिझोरममध्ये २३ ऑक्टोबर रोजी मुसळधार पाऊस पडण्याची शक्यता आहे. १९-२१ ऑक्टोबर दरम्यान ओडिशा, १९-२५ ऑक्टोबर दरम्यान अंदमान आणि निकोबार बेटांवर वादळी वाऱ्यासह आणि पाऊस पडेल.

२१ ते २३ ऑक्टोबर दरम्यान मध्य प्रदेश, विदर्भात तर २० ते २४ ऑक्टोबर दरम्यान छत्तीसगड, १९-२३ ऑक्टोबर दरम्यान नागालँड, मणिपूर, मिझोराम आणि त्रिपुरामध्ये विजाच्या कडकडाटसह पाऊस पडेल अशी शक्यता आहे.पश्चिम भारतातील पुढील तीन दिवसांत कोकण, गोवा, मराठवाडा, मध्य महाराष्ट्रात विजांसह वादळाची शक्यता आहे.

तर २१ ऑक्टोबरला दक्षिण-पूर्वी बंगालच्या खाडीच्या वरती की दबाचा पट्टा बनण्याची शक्यता आहे. पुढील २४ तासांत तामिळनाडू आणि केरळमधील कोइम्बतूर, निलगिरी, इरोड, तिरुप्पूर, थेनी आणि तेनकासी जिल्ह्यांतील घाट भागात मुसळधार पाऊस पडण्याची शक्यता हवामान खात्याने वर्तवली आहे. चेन्नई आणि त्याच्या शेजारील जिल्ह्यांसाठी हवामान खात्याने वेगळा अंदाज वर्तवलाय.

येथे विजांच्या कडकडटात हलका आणि मध्यम स्वरुपाचा पाऊस पडेल असा अंदाज आहे. तर तामिळनाडूमध्ये नोंदवलेल्या पावसाच्या प्रमाणात, हवामान कार्यालयाने सांगितले की, निलगिरीमधील कोठागिरी जिल्ह्यात गेल्या २४ तासांत सर्वाधिक १४ सेंमी पाऊस झाला आहे, तर मायिलादुथुराई जिल्ह्यातील सिरकली येथे १ सेमी पावसाची नोंद झाली आहे.