Wedding Fight Viral Video: लग्नात हाणामारी झाल्याच्या अनेक बातम्या तुम्ही ऐकल्या असतीलच. मात्र, त्यांच्या हाणामारी आणि भांडणाचे कारणही नक्कीच मोठं असेल. तर काही वेळा छोट्या छोट्या गोष्टीवरूनदेखील लग्नात मोठे वाद होतात. अशीच एक घटना केरळमधील (Kerala) अलप्पुझा येथे हा धक्कादायक प्रकार समोर आला आहे.

अलप्पुझा येथील एका लग्नात चक्क पापडासाठी तुफान राडा झाला. एका पापडावरून यात नवरी आणि नवरदेवाकडील लोक एकमेकांच्या जीवावर उठले. आता या संपूर्ण प्रकरणाचा व्हिडिओ सोशल मीडियावर मोठ्या प्रमाणात व्हायरल होत आहे.

पापडावरून झालेल्या या भांडणात सहा जण जखमीही झाले असल्याची माहिती समोर येत आहे. वरदेवाकडील काही लोकांनी जास्तीचे पापड मागितले होते मात्र त्यांना नकार देण्यात आला आणि त्यानंतर नवरी आणि नवरदेवाकडील लोकनामध्ये हाणामारी सुरू झाली. व्हायरल झालेल्या व्हिडिओमध्ये लोक एकमेकांना जोडे आणि चप्पल मारताना दिसत आहेत. लोकांनी एकमेकांना मारण्यासाठी खुर्च्या आणि टेबलचा देखील वापर केला.

अलप्पुझा येथील मुत्तोम येथील एका लग्न मंडपात ही धक्कादायक घटना घडली आहे. या घटने प्रकरणी अलप्पुझा पोलिसांनी 10 जणांविरुद्ध गुन्हा दाखल केला आहे. नवरदेवाकडील काही लोकांनी आणखी पापड मागितले, जे केटरिंग एजन्सीच्या कर्मचाऱ्यांनी देण्यास नकार दिला, आणि त्यामुळे ही संपूर्ण घटना घडली सुरुवातीला त्यांच्यात वाद सुरू झाला आणि नंतर याचं हाणामारीत रूपांतर झालं अशी माहिती पोलीस अधिकाऱ्याकडून देण्यात आली आहे.