पाचशे, दोनशे रूपयांच्या नोटांच्या थप्याच थप्या.हे बघून तुमचे डोळे विस्फारतील. पण हे घबाड सापडलंय ते एका वरिष्ठ सरकारी अधिकाऱ्याच्या घरात. ही रोकड इतकी होती की ती मोजण्यासाठी vigilanc department ला चक्क मशीन मागवावी लागली.

आसाममधील खाण उपसंचालक देबब्रत मोहंती यांच्या भुवनेश्वरमधील फ्लॅटमधून एकूण ४ कोटी रुपयांची रोकड जप्त करण्यात आलीये. विशेष म्हणजे, भ्रष्टाचार विरोधी यंत्रणेने जप्त केलेली ही आतापर्यंतची सर्वाधिक रोख रक्कम असल्याचे बोलले जातंय.

भुवनेश्वर, कटक, भद्रक येथील मालमत्तांवर छापे

ट्रॉली बॅग, कपाटांत 200 आणि 500 च्या नोटांचा खच

13 तोळं सोने, आलिशान बंगला कागदपत्रेही जप्त

व्हिजिलन्सच्या कारवाईनंतर कोट्यवधींची बेहिशेबी माया जमविणाऱ्या मोहंती यांचा कसून तपास सुरू आहे. या चौकशीतून या भ्रष्टाचाराच्या साखळीची पाळमुळंही खणून काढली जातील ही अपेक्षा.