गाेवा : वास्को-द-गामा हावडा अमरावती एक्स्प्रेस (Vasco-Da-Gama Howrah Amaravati Express) आज (मंगळवार) सकाळच्या सुमारास गाेव्यानजीकच्या दूधसागर (Dudhsagar) आणि कॅरनझोल (Caranzol) दरम्यान रुळावरून घसरली. या रेल्वेच्या पुढची चाकांची जोडी रुळावरून घसरल्याचे सांगितलं जात आहे. दरम्यान सर्व प्रवासी आणि कर्मचारी सुरक्षित आहेत. कोणतीही जीवितहानी अथवा जखमी झालेले नाहीत. (Vasco-Da-Gama Howrah Amaravati Express latest news)

रेल्वे (railway) अधिकार्‍यांच्या म्हणण्यानुसार, ट्रेनचा संपूर्ण भाग सुरक्षित आहे. एआरटी (अपघात निवारण ट्रेन) द्वारा दूधसागरला (goa) रेल्वे आणण्यात येणार आहे. वरिष्ठ अधिकारी परिस्थितीवर बारकाईने लक्ष ठेवून आहेत. या अपघातात (accident) सर्व सुरक्षित असल्याचे अधिकारी यांनी नमूद केले.

पश्चिम बंगालच्या जलपाईगुडी जिल्ह्यात बिकानेर-गुवाहाटी एक्स्प्रेसला लोकोमोटिव्हच्या उपकरणांमध्ये समस्या निर्माण झाल्याने अपघात होऊन नुकतेच नऊ जणांना आपला जीव गमवावा लागला होता.

Edited By : Siddharth Latkar