नवी दिल्ली - भाजप खासदार वरुण गांधी यांनी पुन्हा एकदा पक्षाला घरचा आहेर दिला आहे. ओमिक्रॉनचा वाढता संसर्ग पाहता रात्रीची संचारबंदी आणि दिवसा हजारोंच्या प्रचारसभा कशाला असा प्रश्न वरुण गांधी यांनी उपस्थित केला आहे. ओमिक्रॉनचा वाढता संसर्ग पाहता दिल्ली, उत्तर प्रदेशासह अनेक राज्यात पुन्हा एकदा निर्बंध लागू करण्यात आले आहेत. त्यात उत्तर प्रदेशमध्ये दररोज प्रचारसभा भाजपकडून घेतल्या जात आहेत. त्याबद्दल वरुण गांधी यांनी ट्विट करून नाराजी व्यक्त केली आहे.

ट्विट करत वरुण गांधी म्हणले की, रात्री कर्फ्यू लावणे आणि दिवसा प्रचारसभेत लाखो लोकांना बोलावणे हे सामान्य लोकांच्या कलनापलीकडचे आहे. उत्तर प्रदेशातील मर्यादित आरोग्य व्यवस्था लक्षात घेता ओमिक्रॉन विषाणूला रोखणे की शक्तीप्रदर्शन करणे यात आपले प्राधान्य कशाला आहे, हे प्रामाणिकपणे ठरण्याची गरज आहे.