Uttar Pradesh Hospital Viral Video:

उत्तर प्रदेशमधील एका सरकारी रुग्णालयाचा व्हिडिओ सोशल मीडियावर व्हायरल होत आहे. व्हिडिओत रुग्णालयातील वाईट अवस्था दिसत आहे. रुग्णालयात अस्वच्छतेने रुग्णांना खूप त्रास सहन करावा लागत आहे. प्रशासनाचा भोंगळ कारभार दिसत आहे. याचाच व्हिडिओ सोशल मीडियावर व्हायरल होत आहे.

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

व्हायरल व्हिडिओत (Viral Video)रुग्णालयात अस्वच्छता असल्याचे दिसत आहे. रुग्णालयात अनेक उंदीर, धूळ दिसत आहे. याचा त्रास रुग्णांना आणि त्यांच्या नातेवाईकांना सहन करावा लागत आहे. रामपूर जिल्हा रुग्णालयात ही घटना घडली आहे. व्हिडिओत रुग्णालयात उंदीर पळताना दिसत आहे. रुग्णांच्या बेडवर उंदीर दिसत आहेत. तर उंदीर अंगावर येऊ नये म्हणून रुग्णांनी तोंडावर ब्लँकेट घेतले आहेत. रुग्णालयात जमिनीवर उंदीर धावताना दिसत आहे. व्हिडिओवर नेटकऱ्यांनी संताप व्यक्त केला आहे.

अनेकांनी रुग्णालयातील स्वच्छतेवर प्रश्न उपस्थित केले जात आहे. हे रुग्णालय रुग्णांसाठी अंत्यत धोकादायक असल्याचे अनेकांनी म्हटले आहे. उंदीर रुग्णांना चावू शकतो किंवा त्याच्या विष्टेमुळे रुग्णांना त्रास सहन करावा लागू शकतो.

या व्हिडिओवर नागरिकांनी संतापजनक प्रतिक्रिया दिल्या आहेत. 'रुग्णांच्या जीवाशी खेळ सुरु आहे'. 'अस्वच्छतेमुळे रुग्णांचा जीव धोक्यात येऊ शकतो', अशा कमेंट्स या व्हिडिओवर केल्या आहेत.