गाझियाबाद : दिल्लीला (Delhi) लागून असलेल्या गाझियाबाद शहरातून एक संतापजनक घटना समोर आली आहे. गाझियाबादच्या नंदग्राम परिसरात एका महिलेवर ५ जणांनी सामूहिक बलात्कार केला. नराधमांनी सुरूवातीला महिलेचं अपहरण केलं. त्यानंतर तिच्यावर दोन दिवस अत्याचार केले. याप्रकरणी पोलिसांनी ५ जणांविरोधात गुन्हा नोंदविला असून यापैकी ४ जणांना अटकही केली आहे. (Uttar Pradesh Crime News)

पोलिसांनी दिलेल्या माहितीनुसार, ३६ वर्षीय पीडित महिला दिल्लीतील नंदनगरी भागातील रहिवाशी आहे. ती नंदग्राम परिसरात राहणाऱ्या आपल्या भावाला भेटण्यासाठी आली होती. दरम्यान, तेथून परतत असताना ५ आरोपींनी तिचे अपहरण तिला (Crime News) निर्जनस्थळी नेले. त्यानंतर आरोपींनी दोन दिवस पीडित महिलेवर सामूहिक बलात्कार केला.

नराधम आरोपी इतक्यावरच थांबले नाही, तर त्यांनी पीडितेच्या तरुणीच्या प्रायव्हेट पार्टमध्ये लोखंडी रॉडही घातला. या भयंकर कृत्यानंतर आश्रम रोडजवळ पीडितेला बेशुद्ध अवस्थेत फेकून आरोपींनी पळ काढला. पीडित महिला रस्त्याच्या कडेला एका पोत्यात आढळली होती, तेव्हाही रॉड तिच्या शरीरातच होता.

दरम्यान, रस्त्यावरून येणाऱ्या जाणाऱ्या नागरिकांना पोत्यात महिला आढळून आल्यानंतर त्यांनी तातडीने या घटनेची माहिती पोलिसांना दिली. घटनेची माहिती मिळताच पोलिस तातडीने घटनास्थळी रवाना झाले. पीडित महिलेला दिल्लीच्या जीटीबी रुग्णालयात दाखल करण्यात आले. तिथे तिच्यावर उपचार सुरू आहेत.

याप्रकरणी पोलिसांनी आरोपी दिनू, शाहरुख, जावेद, ढोला, औरंगजेब ऊर्फ झहीर यांच्याविरुद्ध गुन्हा दाखल केला आहे. यापैकी ४ जणांची चौकशी सुरू आहे. चौकशीत आरोपींची या महिलेशी आधीच ओळख असल्याचे समोर आले. आरोपी आणि पीडित महिलेमध्ये मालमत्तेचा वाद होता. याच वादातून आरोपींनी हे कृत्य केल्याची प्राथामिक माहिती पोलिसांनी दिली.

Edited By - Satish Daud