एक धक्कादायक बातमी उत्तर प्रदेशातील बिजनौर जिल्ह्यातून समोर येत आहे. एका नराधमाने विधवा महिलेवर आणि तिच्या अल्पवयीन मुलीवर बलात्कार केला आहे. तसेच धर्मांतर करण्यासाठी पीडितेवर दबावही टाकला होता. इतकंच नाही, आरोपीने आपल्या भावालाही पीडित महिलेच्या मुलीवर बलात्कार करण्यास सांगितले. या घटनेची माहिती पोलिसांना मिळाल्यानंतर त्यांनी तातडीने कारवाई करत आरोपीला बेड्या ठोकल्या आहेत.

मोहल्ला जुलाहान येथील रहिवासी रिझवान असे आरोपीचे नाव आहे. तर, पीडित महिला विधवा असून, उदरनिर्वाहसाठी महिला एका ब्यूटी पार्लरमध्ये काम करत होती. ५ वर्षांपूर्वी तिच्या पतीचे निधन झाले होते. याच गोष्टीचा फायदा घेत आधी नराधमाने महिलेला प्रेमाच्या जाळ्यात ओढले.

नंतर लग्नाचे आमिष दाखवून धर्मांतर करण्यासाठी तिच्यावर दबाव टाकला. तसेच तिचे नावही बदलले. आरोपीने वारंवार बलात्कार केला. ज्यामुळे ती गर्भवती राहिली. आरोपी फक्त यावर थांबला नाही. त्याने पीडित महिलेच्या मुलीवरही बलात्कार केला. तसेच आरोपीने आपल्या भावालाही पीडित महिलेच्या मुलीवर बलात्कार करण्यास सांगितले.

अल्पवयीन मुलीने तिच्या आईला संपूर्ण घटनेची माहिती दिली, त्यानंतर पीडित आई आणि मुलीने बिजनौर जिल्ह्यातील शहर पोलिस ठाण्यात आरोपीविरोधात गुन्हा दाखल केला. पोलिसांनी दोन्ही भावांविरुद्ध बलात्कार, पॉक्सो कायदा आणि धर्मांतराच्या कलमांखाली गुन्हा दाखल केला आहे.