अमेरिकेत सध्या अध्यक्षीय निवडणुकांची धामधूम सुरूअसून निवडणूक प्रचारात मोठा ट्विस्ट आला आहे. जो बायडेन यांना कोरोनाची लागण, डोनाल्ड ट्रम्प या्ंच्यावरील प्राणघातक हल्ला आणि बाडयेन यांची कारकीर्द यामुळे डेमोक्रॅटीक पक्षाची डोकेदुखी वाढली आहे. निवडणुकीत डोनाल्ड ट्रम्प आणि जो बायडेन आमनेसामने आहेत. मात्र बायडेन निवडणुकीच्या शर्यतीतून कोणत्याहीक्षणी बाहेर पडतील अशा बातम्या येत आहेत, त्यामुळे जगाचं लक्ष या निवडणुकांकडे लागलं आहे.

दोन दिवसांपूर्वी अमेरिकेचे राष्ट्राध्यक्ष जो बायडेन यांची कोरोना चाचणी पॉझिटीव्ह आली होती. त्यानंतर त्यांच्यावर निवडणुकीच्या शर्यतीतून बाहेर पडण्यासाठी दबाव आणला जात आहे. अलीकडेच बायडेन निवडणुकीच्या शर्यतीतून बाहेर पडलतील अशा बातम्या येत होत्या. या बातम्या आता सत्य होतील अशी शक्यता आहे आणि या रविवारीच म्हणजे २१ जुलै रोजी बायडेन याची घोषणा करण्याची शक्यता आहे.

अमेरिकेचे राष्ट्राध्यक्ष जो बायडेन 81 वर्षांचे आहेत. त्यामुळे त्यांच्या उमेदवारीबाबत प्रश्न उपस्थित केले जात आहेत. त्यातचं त्यांना कोरोनाची लागन झाली आहे. ते संध्यो कॉरंटाईन आहेत. त्यामुळे निवडणूक प्रचारातही भाग घेऊ शकत नाहीत डॉक्टरांनीही त्यांना जास्त बोलण्यास मनाई केली आहे, त्यामुळे बायडेन यांच्या निवडणूक प्रचारात खंड पडला आहे, ज्याचा डोनाल्ड ट्रम्प यांना फायदा होऊ शकतो.

काही दिवसांपूर्वी बायडेन यांनी एका मुलाखतीत, जर एखाद्या डॉक्टरने त्यांना थेट सांगितले की त्यांचं स्वास्थ चांगलं नाही, तर ते अध्यक्षपदाबाबत पुनर्विचार करतील. बायडेन यांच्या कारकीर्दीवरही प्रश्नचिन्ह उपस्थित होत आहे. शिवाय रॅलीदरम्यान ट्रम्प यांच्यावर प्राणघातक हल्ला झाला होता. त्यामुळे अमेरिकन जनतेचा ट्रम्प यांना पाठिंबा वाढला आहे. या सर्व परिस्थितीमुळे अमेरिकेचे माजी राष्ट्राध्यक्ष बराक ओबामा यांनीही बायडेन यांच्या उमेदवारीबाबत पक्षाकडे चिंता व्यक्त केली होती.