नवी दिल्ली: इंटरनेट बॅंकिंगमध्ये सर्वात महत्वाचं घटक असलेल्या युपीआय पेमेंटसच्या व्यवहारात तांत्रिक बिघाडामुळे अडचणी निर्माण झाल्या आहेत. याचा सर्वात मोठा फटका युपीआय ग्राहकांंना बसला आहे.

रविवारी रात्री अचानक ८ वाजल्यापासून युनिफाइड पेमेंट्स इंटरफेस (UPI) सर्व्हर बंद आहेत. त्यामुळे अनेकांचे पेमेंट होतं नाही. यामुळे ग्राहकांनी नाराज व्यक्त केली आहे. PhonePe, Google Pay आणि Paytm सारख्या प्रमुख UPI अॅप्सद्वारे व्यवहारांवर प्रक्रिया डाऊन झाली आहे. याबद्दल अनेक वापरकर्त्यांनी ट्विटरवर तक्रारी केल्या आहेत.

हे देखील पाहा

युपीआय (UPI) सर्व्हर डाउन होण्याची ही वर्षातील दुसरी वेळ आहे, ९ जानेवारी रोजी असेच सर्वर डाऊन झाले होते. NPCI ने अजुनही यावर कोणतीच प्रतिक्रीया दिलेली नाही.

युपीआय (UPI) नॅशनल पेमेंट्स कॉर्पोरेशन ऑफ इंडिया (NPCI) ची रिअल-टाइम पेमेंट सिस्टम, भारतातील व्यवहारांपैकी ६० टक्के आहे. फक्त मार्च महिन्यातच युपीआय ( UPI) ने ९.६० लाख कोटी रुपयांचे ५४० कोटी व्यवहार केले आहेत.

दरम्यान NPCI बँक आणि इन-हाउस सर्व्हरवरील भार कमी करण्यासाठी ऑफलाइन मोडमध्ये पेमेंट सक्षम करण्यावर काम करत आहे.

Edited By- Santosh Kanmuse