UP Election Results 2022: उत्तर प्रदेशच्या जनतेने यंदाच्या विधानसभा निवडणुकीतही भाजपला कौल दिला आहे. देशातील सर्वाधिक मतदारसंघ असलेल्या राज्यात भाजपने 403 पैकी 270 जागा जिंकत बहुमत मिळवलं आहे. तर, मुख्यमंत्री योगी आदित्यनाथ हे गोरखपूर मतदारसंघातून मोठ्या मताधिक्क्याने विजयी झाले आहेत.

मुख्यमंत्री योगी आदित्यनाथ यांचा 1 लाख 2 हजार मतांनी विजय झाला आहे. ते गोरखपूरमधून निवडणूक लढवत होते. "हिंदू-मुस्लिम-शीख-इसाई सबके सब हैं भाजपायी." तुष्टीकरणाचे राजकारण, जातीच्या आधारावर राज्याचे विभाजन करणाऱ्या सर्वांना हे उत्तर आहे. 10 मार्च रोजी आम्ही 'जय श्री राम' घोषणेसह सरकार स्थापन करत आहोत...; यापेक्षा चांगले सरकार मिळू शकत नाही, असे यावेळी अपर्णा यादव म्हणाल्या आहेत.

मुख्यमंत्री योगी आदित्यनाथ (Yogi Adityanath) हे सायंकाळी 5 वाजता पत्रकार परिषद घेणार आहेत. यानंतर ते दिल्लीला जातील, जिथे ते संसदीय मंडळाच्या बैठकीत सहभागी होतील.

योगी आदित्यनाथ चार रेकॉर्ड मोडणार

योगी आदित्यनाथ (Yogi Adityanath) यांचा मुख्यमंत्री म्हणून दुसऱ्यांदा राज्याभिषेक होणार आहे. ते मुख्यमंत्री झाल्यानंतर त्यांची ही दुसरी टर्म असेल आणि शपथ घेताच ते यूपीच्या राजकारणाशी संबंधित 4 रेकॉर्ड मोडतील.

Edited By - Nupur Uppal