Union budge 2023 : केंद्रीय अर्थमंत्री निर्मला सीतारामन १ फेब्रुवारी रोजी संसदेच्या अर्थसंकल्पीय अधिवेशनात अर्थसंकल्प सादर करणार आहेत. या अर्थसंकल्पातील घोषणेमुळे त्याचा परिणाम थेट सामान्य नागरिकांच्या खिशावर परिणाम होणार आहे. तर दुसरीकडे फेब्रुवारी महिन्यांपासून बँकेचे कर्ज, डेबिट आणि क्रेडिट कार्डचे सेवा शुल्क देखील वाढविण्यात येणार आहे. त्यामुळे त्याचा थेट परिणाम सामान्य नागरिकांच्या खिशावर होणार आहे. (Latest Marathi News)

कॅनरा बँकेचे डेबिट कार्डच्या सेवा शुल्कात वाढ

कॅनेरा बँकेने १३ फेब्रुवारीपासून डेबिड कार्डच्या सेवा शुल्कात वाढ करणार आहे. कॅनरा बँकने क्लासिक डेबिट कार्डचे वार्षिक शुल्क १२५ रुपयांहून २०० रुपये केले आहे. तर प्लॅटिनम आणि बिझनेस कार्डचे वार्षिक सेवा शुल्क अनुक्रमे २५० , ३०० रुपये वाढवून ५०० रुपये वाढवली आहे.

बँकेने (Bank) कार्ड बदलण्याच्या लागणाऱ्या शुल्काची रक्कम ५० रुपयांहून १५० रुपये केली आहे. मेसेज अलर्टवर बँक आतापर्यंत तिमाहीत १५ रुपये शुल्क आकारले जात आहेत. मात्र आता हे शुल्क प्रत्यक्ष आकारणीवर असेल.

एचडीएफसी बँकेने केले क्रेडिट कार्डच्या नियमात बदल

एचडीएफसी बँकने त्यांच्या मिलेनिया क्रेडिट कार्डमधून (Credit Card) रिवॉर्ड काढण्याशी संबंधित अटींमध्ये बदल केले आहेत. कार्डधारक आता रिवॉर्ड पॉइंट्ससाठी वस्तूचे मूल्य 70 टक्क्यापर्यंत पूर्तता करू शकतो. त्यानंतर बाकीचे पैसे तो त्याच्या क्रेडिट कार्डने भरू शकतो. बँकेच्या या नव्या अटी १ फेब्रुवारीपासून लागू होतील.

म्युच्युअल फंडच्या नियमात नवे बदल

इक्यिटी म्युच्युअल फंडच्या योजनेतून आता गुंतवणूक काढताना एक दिवस तुम्हाला झटपट पैसे मिळतील. म्युच्युअल फंड (Fund) हाऊस १ फेब्रुवारीपासून पैसे काढण्यासाठी T+२ सायकल स्वीकारणार आहे. असोसिएशन ऑफ म्युच्युअल फंड इन इंडियाने २७ जानेवारी रोजी ही माहिती दिली.