युएईमध्ये यावेळी एका भारतीय नागरिकानं कोट्यावधी रुपयांची लॅाटरी जिंकूनदेखील रक्कम घेण्यासाठी तो पोहोचलेला नाही. गेल्या अनेक दिवसांपासून त्याचा संपर्क होत नसून तो नेमका कुठे गेलाय याचा अनेक जण शोध घेत आहेत. चिंतेची बाब म्हणजे या व्यक्तीचा फोनच लागत नसून त्या व्यक्तीकडूनही कुणाला फोन येत नसल्याचं सांगितलं जात आहे. रविवारी या लकी ड्राचं आयोजन करण्यात आलं होतं. विजेत्या ठरलेल्या लकी डॅाचा नंबर होता 278109. ही लॅाटरी जिकंणारे नहील मुळचे केरळचे आहेत.

नहील यांचे दोन्ही मोबाईल नंबर सध्या बंद असून त्यांच्याशी कुठलाही संपर्क होत नसल्याचं सांगण्यात आलं आहे. त्यांच्या पहिल्या नंबरवर कॅाल केल्यानंतर नंबर संपर्क क्षेत्राच्या बाहेर असल्याची सूचना ऐकू येते. एकदा इंग्रजीतून आणि एकदा मल्याळी भाषेतून ही सुचना ऐकवली जाते, तर दुसरा नंबर लागत नसल्याचं समोर आलं आहे. दोन्ही नंबर लागत नसल्याने नहील यांना संपर्क करायचा तरी कसा असा प्रश्न लॅाटरी कंपनीला पडला आहे. या लॅाटरीमध्ये दुसरा क्रमांक पटकावणाऱ्या व्यक्तीही भारतीयच आहे.

25 सप्टेंबर रोजी खरेदी केलेल्या तिकीटाचा नंबर होता 000176. यापूर्वीदेखील दुबईतील राहणाऱ्या एका भारतीय प्रवाशाने 'महजूज मिलेनियर ड्रॉ'मध्ये सहभाग मोठी रक्कम जिंकली होती. एका रात्रीत ते कोट्यधीश झाले होते. लॉटरीची मुदत संपण्यापूर्वी केवळ काही तास अगोदर त्यांनी लॉटरी खरेदी करण्याचा निर्णय घेतला होता. मीर हे लॉटरी जिंकून कोट्यधीश होणारे 15 वे नागरिक ठरले आहेत.

Edited By: Pravin Dhamale