गुजरातमधील बनासकांठा जिल्हात SUV कार आणि बस यांची जोरदार धडक झाली. ही धडक इतकी भीषण होती की, या घटनेत एका जोडप्यासह पाच जणांचा जागीच मृत्यू झाला आहे. तर, ९ जण गंभीर जखमी झाले आहेत. जखमींना तातडीने रुग्णालयात दाखल करण्यात आले.

पोलिसांच्या माहितीनुसार, अमीरगड शहराजवळ दुपारी ४:३०च्या सुमारास हा अपघात घडला. SUV कारला धडकलेली बस ही राज्यस्थान राज्य रस्ते वाहतूक महामंडळाची होती.

अमीरगडचे पोलीस निरीक्षक एस.के. परमार म्हणाले, "बस राज्यस्थानमधील सिरोहीकडे जात असताना हा अपघात झाला. प्राथमिक तपासात असे दिसून आले की, एसयूव्हीचा चालक महामार्गावर चुकीच्या दिशेने गाडी चालवत होता. या अपघातात चालकाचाही मृत्यू झाला आहे. या घटनेत SUV कार चालकासह इतर चार जणांचाही मृत्यू झाला आहे.

या अपघातात बस मधील ६ प्रवाशांसह ९ जण गंभीर जखमी झाल्याची माहिती पोलीस निरीक्षक एस.के. परमार यांनी दिली. या अपघातात चालकासह त्याची पत्नी मेवलीबेन, दोन मुलं रोहित आणि ऋत्विक यांच्यासह सुंदरीबेन सोलंकी अशी मृतांची ओळख पटली आहे. हे सर्व मृतव्यक्ती अमीरगड तालुक्यातील धनपुरा येथाल रहिवासी होते.

Edited By - Purva Palande