Petrol Diesel Prices : देशातील सरकारी तेल कंपन्यांनी गुरुवारी सकाळी पेट्रोल (Petrol) आणि डिझेलचे (Diesel) नवे दर जाहीर केले. आज काही राज्यांमध्ये पेट्रोल-डिझेलचे भाव कमी झाले आहेत, तर काही राज्यांमध्ये वाढ झाली आहे. चांगली गोष्ट म्हणजे देशातील दिल्ली, मुंबई, चेन्नई आणि कोलकाता या चार महानगरांमध्ये किमतीत कोणताही बदल झालेला नाही. (Petrol Diesel Latest Price)

गेल्या काही दिवसांपासून आंतराराष्ट्रीय बाजारात कच्चा तेलाच्या दरात सातत्याने घट होत आहे. आंतरराष्ट्रीय बाजारात ब्रेंट क्रूडची किंमत प्रति बॅरल $ 92.37 पर्यंत घसरली आहे, तर WTI प्रति बॅरल $ 87.13 वर पोहोचली आहे.

दरम्यान, आज बिहारमध्ये पेट्रोल 51 पैशांनी कमी होऊन 109.15 रुपये प्रति लीटर तर डिझेल 48 पैशांनी 95.80 रुपये प्रति लीटरवर आले आहे. त्याच वेळी, पंजाबमध्ये, पेट्रोल 22 पैशांनी घसरून प्रतिलीटर 96.68 रुपये आणि डिझेल 21 पैशांनी घसरून प्रतिलीटर 87.03 रुपयांवर आले.

राजस्थानमध्ये पेट्रोल 15 पैशांनी कमी झाले. याव्यतिरिक्त उत्तर प्रदेशातही पेट्रोलचे दर 20 पैशांनी कमी झाले आहेत. दुसरीकडे, हिमाचल, गुजरात आणि तेलंगणामध्ये पेट्रोल-डिझेलच्या दरात वाढ झाली आहे.

चार महानगरांमध्ये पेट्रोल-डिझेलचे दर

– दिल्लीत पेट्रोल 96.72 रुपये आणि डिझेल 89.62 रुपये प्रति लिटर

– मुंबईत पेट्रोल 106.31 रुपये आणि डिझेल 94.27 रुपये प्रति लिटर

– चेन्नईमध्ये पेट्रोल 102.63 रुपये आणि डिझेल 94.24 रुपये प्रति लिटर

– कोलकात्यात पेट्रोल 06.03 रुपये. डिझेल 92.76 रुपये प्रति लिटर

Edited By - Satish Daud