गोरखपूर : उत्तप्रदेशच्या गोरखपूरमध्ये (Gorakhpur crime) धक्कादायक घटना घडलीय. एकतर्फी प्रेमातून एका माथेफिरू तरुणानं मुलीसह कुटुंबातील (Triple murder case) तीन जणांची गळा चिरुन हत्या केलीय. गोरखपूरमध्ये सोमवारी रात्री हा तिहेरी हत्याकांड घडला. या प्रकरणी पोलिसांनी एका (culprit arrested) आरोपीला अटक केली आहे. अलोक पासवान असं अटक केलेल्या आरोपीचं आहे. तर रायगंज येथील गामा (४२), त्याची पत्नी संजू निशाद (३८) आणि मुलगी प्रिती (२०) अशी हत्या झालेल्यांची नाव आहेत. या भयंकर घटनेमुळं परिसरात एकच खळबळ उडाली आहे.

याबाबत सविस्तर वृत्त असं की, गामा आपल्या कुटुंबासोबत भावाच्या लग्नसोहळ्याला जात होते. त्यावेळी घरापासून काही अतंरावर पोहचल्यावर तीन अज्ञात इसमांनी गामासह कुटुंबियांवर धारधार शस्त्राने हल्ला केला. या तिहेरी हत्याकांडाची माहिती मिळताच एडीजी अखिल कुमार, एसएसपी डॉ विपीन टाडा, पोलीस अधिक्षक कृष्ण कुमार विष्णोई यांनी फॉरेन्सीक टीमसह घटनास्थळी धाव घेवून या प्रकरणाचा तपास सुरु केला.

त्यानंतर हत्या झालेल्या तिघांचा मृतदेह शवविच्छेदनासाठी पाठवला. या प्रकरणी पोलिसांनी आरोपी अलोक पासवानला अटक केली असून पुढील तपास सुरु आहे. आरोपी अलोकचं गामाच्या मुलीवर एकतर्फी प्रेम होतं. गामाच्या मुलीनं आरोपी अलोकला प्रेमसंबंधासाठी नकार दिला होता. त्यामुळे त्याने बदला घेण्यासाठी गामाच्या कुटुंबियांची हत्या केली. अशी माहिती प्राथमिक तपास समोर आलीय.