संदीप चव्हाण, साम टिव्ही

सरकार आता मोफत फ्लॅट देणार असल्याचा दावा करणारा मेसेज व्हायरल होतोय...सरकारी फ्लॅट मिळवायचा असेल तर एका लिंकवर जाऊन कागदपत्रं जमा करायचे आहेत असा दावा करण्यात आलाय...पण, खरंच सरकारची अशी कोणती योजना आहे का...? सरकार आता लोकांना फ्लॅट देणार आहे का...? सरकार म्हाडा, सिडकोच्या माध्यमातून घर देतं...मात्र, आता सरकार मोफत फ्लॅट देणार असल्याचा मेसेज व्हायरल होतोय...? त्या मेसेजमध्ये काय दावा केलाय पाहुयात...

व्हायरल मेसेज

सरकारी फ्लॅट मिळवण्यासाठीच्या यादीत तुमचे नाव आहे का? सरकारने एक नवीन यादी जारी केलीय.आता तुम्ही सरकारी योजनेअंतर्गत नवीन फ्लॅट मिळवू शकता. सरकारी फ्लॅट मिळवण्याची संधी गमावू नका.

हा मेसेज व्हायरल झाल्याने अनेक जण संभ्रमात आहेत...खरंच सरकारची अशी योजना आहे का...? याची माहिती आमच्या प्रेक्षकांना देण्यासाठी व्हायरल सत्य टीमने याची पडताळणी सुरू केली...सर्वात प्रथम आम्ही व्हायरल मेसेजमधील वेबसाईट पाहिली...तसंच सरकारकडून या योजनेबाबत माहिती मिळवली...त्यावेळी आमच्या पडताळणीत काय सत्य समोर आलं पाहुयात...

व्हायरल सत्य; साम इन्व्हिस्टिगेशन

सरकारची फ्री फ्लॅट योजना नाही

पोस्टमध्ये योजना, कोणत्याही राज्याचं नाव नाही

'sarkariflatindia1.today' वेबसाईट लिंक बनावट

सरकारी वेबसाईट्समध्ये शेवटी .gov.in असं असतं

वेबसाईटच्या माध्यमातून कागदपत्रं मिळवली जातात

व्हायरल डॉक्यूमेंट प्रॉपर्टीच्या लिलावाचे आहेत...खोट्या वेबसाईट तयार करून लोकांची दिशाभूल केली जातेय...सरकारच्या नावाने मेसेज व्हायरल होत असल्याने घरासाठी काहींनी कागदपत्र वेबसाईटवर जमा केलेयत...मात्र, यातून तुमची फसवणूक होऊ शकते...त्यामुळे आमच्या पडताळणीत सरकार तुम्हाला घर देणार असल्याचा दावा असत्य ठरलाय...