मनिला : मध्य आणि दक्षिण फिलीपिन्समध्ये (southern philippines) पूर (flood) आणि भूस्खलनामुळे (landslide) झालेल्या विध्वंसातील मृतांची संख्या ४३ पेक्षा अधिक झाली आहे. अद्याप २८ नागरिक बेपत्ता असल्याचे सांगितलं जात आहे. (philippines latest marathi news)

सोमवारी पहाटे मध्य लेयते प्रांतातील बेबे (bebe) शहरात झालेल्या भूस्खलनात १०० हून अधिक ग्रामस्थ जखमी झाले. तसेच या घटनेत बेपत्ता झालेल्यांचा शोध घेण्यासाठी लष्कर, पोलीस आणि इतर बचाव कर्मचारी ढिगारा हटवण्याचे काम करत आहेत अशी माहिती अधिकाऱ्यांनी मंगळवारी रात्री दिली.

शोध आणि बचाव मोहिमेवर (resuce operation) देखरेख करणारे लष्कराचे ब्रिगेड कमांडर कर्नल नील वेस्टुइर (Colonel Neil Westuer) म्हणाले या दुर्घटनेमुळे मोठ्या प्रमाणात जीवित आणि मालमत्तेची हानी झाली आहे. त्यामुळे आम्हाला खूप दुःख झाले आहे. सध्या ३६ जणांचे मृतदेह बाहेर काढण्यात आले आहेत.

मध्य समर आणि निग्रोस ओरिएंटल आणि दक्षिणेकडील दावो डी ओरो आणि दावो ओरिएंटल प्रांतांमध्ये इतर सात जण पुराच्या पाण्यात बुडाले. विशेष म्हणजे, दरवर्षी जूनच्या आसपास फिलीपिन्समध्ये किमान २० चक्रीवादळे येतात. ज्वालामुखीचा उद्रेक आणि भूकंप या आपत्ती-प्रवण आग्नेय आशियाई देशातही होतात.

Edited By : Siddharth Latkar