जम्मू : शहराच्या बाहेरील भागात कानाचक पट्ट्यात संशयित ड्रोन (Suspected Drone) आढळून आले आहे. याबद्दल मिळताच, सुरक्षा दलांनी मोठ्या प्रमाणावर शोध मोहीम सुरू केली आहे, असे अधिकाऱ्यांनी बुधवारी सांगितले. (Suspected drone spotted)

पोलिसांनी माहिती दिली की, मंगळवारी रात्री उशिरा संधवन भागातील धाब गावातील स्थानिकांना ड्रोनच्या हालचाली दिसून आल्यानंतर त्यांनी अधिकाऱ्यांना ही बाब कळवली.
तर, "जलद गतीने शोध मोहीम राबवत, पोलिस आणि बीएसएफच्या संयुक्त पथकांनी परिसरात शोध मोहीम राबवली परंतु काहीही सापडून आले नाही," अशी माहिती देण्यात आली आहे.

पोलिसांनी सांगितले की, आज सकाळी देखील याबद्दल शोध घेण्यात आला परंतु कोणतीही संशयास्पद वस्तू आढळली नाही. ते म्हणाले, “प्रजासत्ताक दिन जवळ येत असल्याने, पाकिस्तानच्या (Pakistan) बाजूने ड्रोनच्या हालचाली नाकारता येत नाहीत, परंतु आम्ही सतर्क आहोत आणि आंतरराष्ट्रीय सीमेवर बारीक लक्ष ठेवत आहोत,” अशीही माहिती देण्यात आली आहे.