Sunita Williams Return : भारतीय वंशाच्या अंतराळवीर सुनीता विलियम्स अखेर ९ महिन्यांनी आंतराष्ट्रीय स्पेस स्टेशनमधून पृथ्वीवर परतणार आहे. सुनीता विलियम्स आणि बूच विल्मोर यांच्यासहित चार अंतराळवीर आंतराष्ट्रीय स्पेस स्टेशनमधून पृथ्वीवर परतण्यास रवाना झाले आहेत. अंतराळवीराच्या प्रवासावर साऱ्यांचं लक्ष लागलं आहे. अंतराळवीर सुनीता विलियम्स तब्बल ९ महिन्यांनी परतणार असल्याने साऱ्यांचं लक्ष लागलं आहे.

सुनीता विलियम्स आणि बूच विल्मोर यांना काही आठवड्यांसाठी आंतराष्ट्रीय स्पेस स्टेशनवर पाठण्यात आलं होतं. मात्र, अंतराळ यान, बोईंग स्टारलायनरमध्ये तांत्रिक बिघाड झाल्याने गेल्या ९ महिन्यांपासून अडकले होते. सुनीता विलियम्स आणि बूच विल्मोर हे पृथ्वीवर सात टप्प्यात परतणार आहेत.

अंतराळवीर पृथ्वीच्या दिशेने

सुनीता विलियम्स आणि बूच विल्मोर हे अंतराळवीर 'स्पेसएक्स'च्या ड्रॅगन यानातून पृथ्वीवर परतणार आहेत. भारतीय वेळेनुसार, आज १८ मार्च रोजी १०.३५ वाजता अंतराळयान आंतराष्ट्रीय अंतराळ स्टेशनपासून वेगळं केलं जाईल. ड्रॅगन हे अनडॉक करण्यावर अवलंबून आहेत. यात क्राफ्ट आणि रिकव्हरी टीमची तयारी, हवामान, समुद्राची परिस्थितीचा समावेश आहे.

सकाळी ८.१५ वाजता यानाचं झाकण बंद होईल. त्यानंतर सकाळी १०.३५ वाजता अनडॉकिंग होईल. यात वाहन आयएसएसपासून वेगळं केलं जाईल. १९ मार्च रोजी पहाटे २.४१ वाजता वातावरणात वाहनाचा प्रवेश होईल. त्यानंतर पहाटे ३.२७ वाजता हे यान समुद्रात उतरलेल. त्यानंतर पहाटे ५ वाजता पृथ्वीवर परतण्यासंदर्भात पत्रकार परिषद घेण्यात होईल. एकंदरित सुनीता आणि बूच हे १९ मार्च रोजी पृथ्वीवर परततील. या दोघांना पृथ्वीवर परतण्यासाठी १७ तास लागतील. हे यान अमेरिकेतील फ्लोरिडा किनाऱ्याजवळ पाण्यात उतरणार आहे. त्यानंतर यानातून सर्व अंतराळवीरांना यानातून बाहेर काढलं जाईल.