गाझियाबादच्या सिहानी गेट पोलीस स्टेशन परिसरात शनिवारी दहावीच्या विद्यार्थिनीने तिचा मोबाईल तुटल्याने घरात गळफास घेऊन आत्महत्या केली. याबाबद घरात राहणाऱ्या भाडेकरूंनी पोलिसांना माहिती दिली. पोलिसांनी (Police) घटनास्थळी पोहोचून मृतदेह ताब्यात घेऊन शवविच्छेदनासाठी पाठवला आहे. पोलिसांना विद्यार्थिनीने लिहलेली सुसाइड नोटही सोडली होती. पोलीस या प्रकरणाचा तपास करत आहेत.

हे देखील पहा -

पोलिसांनी दिलेल्या माहितीनुसार, १९ वर्षीय पूजा ही मूळची बिहारची असून ती तिच्या आई-वडील आणि मोठ्या बहिणीसोबत शिब्बनपुरा येथे राहत होती. पूजा ही दहावीची विद्यार्थिनी होती. तिचे वडील ई-रिक्षा चालवतात.

पूजाची आई आणि मोठी बहीण बिहारला गेल्याचे सांगण्यात आले, तर वडील ई-रिक्षा चालवायला गेले होते. पूजा घरात एकटीच होती. दुपारी तिने खोलीत पंख्याला गळफास आत्महत्या केल्याची घटना घडली आहे. हा प्रकार घरात राहणाऱ्या भाडेकरूंच्या लक्षात येताच त्यांनी पोलिसांना माहिती दिली.

पोलिसांनी घटनास्थळ गाठून मृतदेह ताब्यात घेतला आहे. पोलिसांनी दिलेल्या माहितीनुसार, विद्यार्थ्याने सुसाईड नोटमध्ये मोबाईल तुटल्या लिहिले होते. तसेच मला क्षमा करा. मोबाईल तुटल्याने घरचे आपल्याला रागावतील आणि त्याच भीतीने तरुणीने आत्महत्या केली असावी, असा संशय पोलिसांनी व्यक्त केला आहे. पोलिसांनी दिलेल्या माहितीनुसार, नातेवाईकांचीही चौकशी सुरू आहे. पोलीस या प्रकरणाचा पुढील तपास करत आहेत.

Edited By - Shivani Tichkule