Flying snakes : सापाचे आजवर तुम्ही अनेक व्हिडिओ पाहिले असतील. अनेक सर्प मित्र त्यांना जीवनदान देत त्यांचं रक्षण करतात. मानवी अधिवासात एखादा साप आढळल्यास त्याला नैसर्गिक अधिवासात सोडले जाते. साप आणि रेस्क्यू करणारी व्यक्ती यांचे अनेक खतरनाक व्हिडिओ सोशल मीडियावर व्हायरल झाले आहेत. अशात आता एक अविश्वसनीय व्हिडीओ समोर आलाय. (Snake video)

या व्हिडिओमध्ये एक साप चक्क पक्षांप्रमाणे हवेत उडताना दिसत आहे. कार्टून किंवा काल्पनिक नाही तर तो प्रत्यक्षात हवेत झेप घेत आहे. साप हवेत उडू शकत नाही हे खरं आहे. कारण तो सरपटणारा प्राणी आहे.

मात्र त्याने एक उंच ठिकाणाहून हवेत जोरदार उडी घेतली आहे. नेमके त्याच वेळेस एका व्यक्तीने त्याच्या फोनमध्ये ही दृश्य चित्रित केली आहेत. त्यामुळे यात साप हवेत उडतोय की काय असे भासत आहे.

हवेत फक्त पक्षी उडू शकतात. त्यामुळे साप जेव्हा अशी करामत करतो तेव्हा पृथ्वीच्या गुरुत्वाकर्षणामुळे तो धाडकन काही आपटतो. व्हिडिओमध्ये साप खाली पडल्यावर त्याचा आवाज देखील ऐकू येत आहे. हा व्हिडिओ ऑस्ट्रेलियामधील असल्याचे म्हटले जात आहे.

IAS सुप्रिया साहू यांनी हा व्हिडिओ त्यांच्या ट्विटर अकाऊंटवर पोस्ट केलाय. आतापर्यंत या व्हिडिओला 10 लाखांहून अधिक व्ह्युव्ज मिळाले आहेत. एका व्यक्तीने यावर कमेंटमध्ये म्हटलं आहे की, सापांची ही एक वेगळी प्रजाती आहे. हे साप त्यांच्या विशेष गतीसाठी ओळखले जातात.