Shocking Incident : एका रिअल इस्टेट व्यावसायिकाच्या घरावर गोळीबार करण्यात आला. दुचाकीवरुन आलेल्या काही अज्ञातांनी केलेल्या गोळीबारामध्ये सुदैवाने जीवितहानी झाली नाही. दुचाकीस्वारांनी बाल्कनीची काच फोडून घरात एक चिठ्ठी फिकली. या चिठ्ठीमध्ये कौशल चौधरी ग्रुप आणि ५ कोटी रुपये असे लिहिलेले होते. या प्रकरणाची व्यावसायिकाने पोलीस ठाण्यात तक्रार केली. ही घटना पंजाबच्या लुधियाना शहरात घडली होती.

मिळालेल्या माहितीनुसार, लुधियानातील रिअल इस्टेट व्यावसायिक नंदलाल यांच्या घरावर गोळीबार करण्यात आला. गोळीबारानंतर घरात एक चिठ्ठी सापडली. या चिठ्ठीमध्य ५ कोटी रुपये असा उल्लेख आहे. यावरुन नंदलाल यांच्याकडे ५ कोटी रुपयांची खंडणी मारण्यात आल्याचे म्हटले जात आहे. गुरुग्राममधील कुंड कैलाश चौधरीने या घटनेची जबाबदारी स्वीकारली आहे.

२००६ मध्ये नंदलाल हे भारतीय सैन्यातून सुभेदार म्हणून निवृत्त झाले. मागील काही वर्षांपासून ते लुधियानामध्ये रिअल इस्टेटचा व्यवसाय करतात. त्यांचा एक मुलगा डॉक्टर आणि दुसरा मुलगा बँक मॅनेजर आहे. नंदलाल यांच्या घरी झालेल्या गोळीबाराची घटना घडली. प्रत्यक्षदर्शींच्या मते, आज (१९ ऑक्टोबर) पहाटे ३ वाजता लोहारा पुलाच्या दिशेने दुचाकीवरुन काहीजण आले. त्यांनी नंदलाल यांच्या घरावर गोळ्या झाडल्या. गोळीबार केल्यानंतर ते जीएनई कॉलेजकडे पळून गेले.

'ज्या वेळेस गोळीबार झाला तेव्हा मी नातेवाईकासोबत घरी होतो. माझे कुटुंब दिवाळीसाठी राजस्थानमध्ये होते. गोळ्यांनी घराच्या बाहेरील काचा फोडल्या. तेथे १५ गोळ्यांचे गोळे सापडले आहेत, याशिवाय एक जिवंत काडतूस देखील आढळले आहे. माझा गुंड कैलाश चौधरीशी कोणताही संबंध नाही. मी अनेक वर्षे देशाची सेवा केली आहे. सुरक्षा पुरवण्यासाठी मी पोलिसांकडे विनंती केली आहे', असे नंदलाल यांनी म्हटले.