Viral Video: उत्तर प्रदेशमधून एक धक्कादायक घटना समोर आली आहे. एक महिला रात्रीच्या वेळी लोकांच्या घराची डोअरबेल वाजवून तेथून पळ काढत आहे. धक्कादायक बाब म्हणजे ही महिला नग्न अवस्थेत परिसरात फिरत आहे. सदर घटना सीसीटीव्ही कॅमेऱ्यात कैद झाली आहे. (Latest Viral Video)

रामपुर परिसरात ही घटना घडली आहे. सदर महिला आपले केस मोकळे ठेवून काहीतरी बोलत असल्याचं सीसीव्हीमध्ये दिसत आहे. २९ जानेवारी रोजी तिने रामपुरमधील काही व्यक्तींच्या घराची डोअरबेल बाजवली होती. त्यामुळे परिसरात भीतीचे वातावरण निर्माण झाले होते. महिला नसून हे भूत असावे अशी चर्चा परिसरात सुरू होती.

दरम्यान रामपुर पोलिसांत या विषयी माहिती देण्यात आली. त्यानुसार पोलिसांनी या परिसरात रात्रीच्या वेळी लक्ष ठेवले तसेच सदर महिलेला अटक केली आहे. ही महिला एक मनोरुग्ण असल्याचं तपासात समोर आलं आहे. महिलेच्या कुटुंबियांना याची माहिती दिली असून तिला कुटुंबियांच्या स्वाधीन करण्यात आलं आहे. तसेच पुन्हा असा प्रकार घडणार नाही याकडे लक्ष देण्यास पोलिसांनी सांगितलं आहे.

सदर घटनेत रामपुर पोलिसांनी त्यांच्या ट्विटर अकाऊंटवर या बाबत एक पोस्ट शेअर करत याची माहिती दिली आहे. महिला मनोरुग्ण असल्याने ती असे करत होती असं त्यांनी म्हटलं आहे. सदर घटनेतील सीसीटीव्ही फुटेज देखील सोशल मीडियावर सर्वत्र व्हायरल झाले आहे. मात्र यात महिला आणि तिच्या कुटुंबियांच्या गोपनीयतेचा आदर राखण्यात आला आहे.