मुंबई : पोर्नोग्राफी Pornography प्रकरणात Case प्रसारमाध्यमांनी चुकीचे वृत्त प्रसारित करून आपली बदनामी केल्याचा आरोप करत अभिनेत्री शिल्पा शेट्टीने मुंबई उच्च न्यायालयात २९ जणांविरोधात अब्रू नुकसानीचा दावा दाखल केला आहे. शिल्पा शेट्टी Shilpa Shetty आणि तिचा पती राज कुंद्रा Raj Kundra यांच्याविरोधात दाखल केलेल्या दाव्यात तिने म्हटले आहे कि, माध्यमांनी प्रसारित केलेल्या चुकीच्या वृत्तांमुळे आपली मोठ्या प्रमाणावर बदनामी झाली असून माध्यमांनी जाणीवपूर्वक अश्याप्रकारे वार्तांकन केल्याचा आरोप तिने केला आहे.

त्यामुळे या संपूर्ण प्रकरणात आता शिल्पा शेट्टीने आक्रमक पावित्रा घेतला आहे. ANI ने ट्विटच्या माध्यमातून दिलेल्या माहितीनुसार, शिल्पा शेट्टीने २९ माध्यमांच्या विरोधात हा दावा दाखल केला असून, त्यात अनेक मोठ्या पत्रकारांचा समावेश आहे. ज्या माध्यमांनी आपली नाहक बदनामी आणि प्रतिमाभंजन केले आहे, अश्या माध्यमांविरोधात न्यायालयात Court दाद मागणार असल्याचेही शिल्पा शेट्टीने सांगितले आहे.

मिळालेल्या माहितीनुसार, शिल्पा शेट्टीने ज्या माध्यमांविरोधात अब्रुनुकसानीचा दावा Defamation Suit दाखल केला आहे, त्यात तिने बिनशर्त माफी व २५ कोटी रुपयांची भरपाई करण्याची मागणी बदनामी करणाऱ्यांविरोधात कोर्टात केली आहे. या प्रकरणावर उद्या कोर्टात सुनावणी होणार आहे.

By : Krushnarav Sathe