आज नरेंद्र मोदी यांनी तिसऱ्यांदा पंतप्रधानपदाची शपथ घेतली. शपथविधी सोहळ्याला केवळ राजकारण्यांसह चित्रपटसृष्टीमधील कलाकारांनी हजेरी लावली. बॉलिवूडचा सुपरस्टार शाहरुख खानसह त्यांची व्यवस्थापक पूजा ददलानीही या सोहळ्याला उपस्थित राहिली. तसेच इतर अनेक चित्रपट कलाकारही उपस्थित होते. या सोहळ्यापूर्वी अनेक सिनेतारकांनीही सोशल मीडियाच्या माध्यमातून पंतप्रधान मोदींचे अभिनंदन केले.

शाहरुखशिवाय साऊथ सिनेसृष्टीतील सर्वात मोठे सुपरस्टार रजनीकांतनेही या कार्यक्रमाला हजेरी लावली. विक्रांत मॅसी, राजकुमार हिरानी, ​​अक्षय कुमार, रवीना टंडन, अनुपम खेर हे देखील उपस्थित होते. सोहळ्यातील या स्टार्सचे अनेक फोटो आणि व्हिडिओ समोर आले आहेत. एक फोटो समोर आला आहे, ज्यामध्ये शाहरुख आणि अक्षय एकत्र दिसत आहेत. दोघेही एकमेकांना मिठी मारताना दिसत आहेत