Airport plane crash : गुजरातच्या अहमदाबाद विमानतळावरून लंडनला निघालेल्या विमानाच्या अपघाताने हाहाकार माजला आहे. या अपघातात 204 जणांचा मृत्यू झाल्याची अधिकृत माहिती पोलीस आयुक्तांनी दिली. अपघातात मृत पावलेल्या लोकांमध्ये महाराष्ट्रातील नागरिकांचाही समावेश आहे. मुलाकडे लंडनला निघालेल्या सांगोल्याचील दाम्पत्याचाही विमान अपघाता मृत्यू झाला आहे. दोघांच्या मृत्यूने त्यांची दोन मुले पोरकी झाली.

अहमदाबाद विमानतळावरून लंडनला निघालेल्या विमानाचा भीषण अपघात झाला. विमान टेक ऑफ घेताच काही मिनिटांत अपघात झाला. प्रवाशांनी भरलेलं विमान निवासी डॉक्टरांच्या इमारतीवर कोसळलं. विमान अपघातात इमारतीमधील एमबीबीएसच्या तीन विद्यार्थ्यांचा मृत्यू झाला आहे. तर २०० हून अधिक प्रवाशांचा मृत्यू झाला आहे. आतापर्यंत १०० हून अधिक प्रवाशांचे मृतदेह बाहेर काढण्यात आले आहेत. मृतांमध्ये माजी मुख्यमंत्री विजय रुपाणी यांचाही समावेश आहे. सांगोल्यातील दाम्पत्याचाही मृत्यू झाला आहे.

अहमदाबाद विमान अपघातात मूळचे सांगोला तालुक्यातील हातिद गावातील पवार दांपत्याचाही समावेश आहे. महादेव पवार ( वय ६७) आणि आशा पवार ( वय ५५) अशी दोघांची नावे आहेत. लंडनमध्ये त्यांचा मुलगा व्यावसायिक आहे. मुलाकडे जाण्यासाठी विमानाने प्रवास करत होते. त्यांचा दुसरा मुलगा अहमदाबाद येथे व्यवसाय करत आहे. दोघांच्या आकस्मिक जाण्याने दोन्ही मुलांवर दु:खाचा डोंगर कोसळला आहे.

मुंबईतील को-पायलट सुमित सभरवाल यांचा अपघाती मृत्यू

अहमदाबाद विमान दुर्घटनेतील को पायलेट सुमित सभरवाल यांचा विमान अपघातात मृत्यू झाला. सुमित यांच्या मृत्यूने त्यांच्या कुटुंबीयांवर दुःखाचा डोंगर कोसळला आहे. मुंबईतील पवई परिसरामध्ये सुमित सभरवाल यांचे 88 वर्षाचे वडील एकटेच राहतात. टेकऑफ करण्यापूर्वी सुमितने त्यांच्याशी संवाद साधला होता.

लंडनमध्ये विमान लँड झाल्यावर मी पुन्हा बोलेन, असं त्यांनी सांगितलं होतं. पण त्या आधीच त्यांच्यावर काळाने घाला घातला. सुमित यांच्या पाश्चात त्याची बहीण आणि दोन भाचे असा परिवार आहे. त्याच्या बहिणीला ही माहिती मिळताच ती दिल्लीहून सुमितच्या मुंबईला घरी पोहोचली. त्यानंतर सुमितचे वडील आणि बहीण मुंबई विमानतळावरून गुजरातकडे रवाना होणार आहेत.