Goa bound Azur Air charter flight Security Threat : रशियाहून गोवासाठी उड्डाण भरलेल्या अजूर एअरच्या चार्टर्ड विमानात बॉम्ब ठेवल्याच्या धमकीचा फोन आल्यानंतर एकच खळबळ उडाली. सुरक्षेच्या कारणास्तव तात्काळ हे विमान उजबेकिस्तानला वळवण्यात आले. हे विमान पर्म विमानतळावरून गोव्याकडे जात होते. (Latest Marathi News)
अजून एअरच्या चार्टर्ड विमानात २३८ प्रवासी आणि ७ क्रू मेंबरसह २४५ जण प्रवास करत होते. एका अधिकाऱ्यानं सांगितलं की, डाबोलिम विमानतळावरील संचालकांना साधारण साडेबारा वाजता या विमानात कथितरित्या बॉम्ब असल्याचा एक इमेल प्राप्त झाला होता. त्यानंतर सुरक्षेच्या कारणास्तव हे विमान तात्काळ वळवण्यात आले.
एका वरिष्ठ अधिकाऱ्याच्या माहितीनुसार, २४५ जणांना घेऊन उड्डाण भरलेले हे विमान पहाटे सव्वाचार वाजता दक्षिण गोव्याच्या (Goa) डाबोलिम विमानतळावर उतरणार होते. अजूर एअरचे विमान (AZV 2463) भारतीय हवाई हद्दीत प्रवेश करण्याच्या आधीच उजबेकिस्तानला वळवण्यात आले होते.
१२ दिवसांत दुसऱ्यांदा घडली घटना
दरम्यान, मागील १२ दिवसांतील अशा प्रकारची ही दुसरी घटना आहे. रशियाहून भारतात येणाऱ्या विमानात बॉम्ब ठेवल्याची माहिती मिळाली होती. याआधी १० जानेवारीला रशियाची (Russia) राजधानी मॉस्कोहून गोव्याला विमान येत होते. त्याचवेळी सुरक्षेच्या कारणास्तव हे विमान गुजरातच्या जामनगरमध्ये इमर्जन्सी उतरवण्यात आलं होतं. मात्र, तपासानंतर विमानात बॉम्ब असल्याची अफवा होती असं स्पष्ट झालं होतं.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.