नवी दिल्ली : पेट्रोल आणि डिझेल भाववाढीने सामान्य नागरिक त्रस्त असतानाच आता परत खाद्य तेलाच्या वाढत्या भावामुळे सामान्यांचे कंबरडे चांगलेच मोडले आहे. तेलाच्या वाढत्या भावामुळे गृहिणींचे बजेट कोलमडले आहे.

हे देखील पहा-

खाद्यतेलांचे गगनाला भिडलेले भाव हे आटोक्यात आणण्याकरिता सरकारने देशांतर्गत बाजारात खाद्यतेल व्यापाऱ्यांना ३१ मार्च २०२२ पर्यंत तेलाचा साठा करण्यावर मर्यादा आणली आहे. यामुळे सणासुदीच्या दिवसात खाद्यतेलाची साठेबाजी करणाऱ्यांवर वचक बसणार आहे. मागील एका महिन्याच्या कालावधीत खाद्य तेलाचे भाव २० टक्क्यांपर्यंत वाढल्याचे दिसून आले आहे.

आंतरराष्ट्रीय बाजारपेठेमध्ये वाढलेल्या भाव या देशातील खाद्य तेलाच्या भाव वाढण्यास कारणीभूत असल्याचे भारतीय उद्योग मंडळाने यावेळी सांगितले होते. पेट्रोल आणि डिझेल भाववाढीने सामान्य नागरिक मोठ्या प्रमाणात वैतागले आहेत.

Edited By- Digambar Jadhav