राजस्थानच्या नागौरी जिल्ह्यात एक धक्कादायक घटना घडली आहे. निर्दयी पतीने पत्नीला मारहाण करून दुचाकीला बांधून गावभर फरफटत नेलं. मात्र नेहमीप्रमाणे व्हिडिओ काढण्यात मग्न असलेल्या गर्दीतून एकही व्यक्ती मदतीसाठी धावून आली नाही. या गर्दीतूनच कोणतरी या घटनेचा व्हिडिओ सोशल मीडियावर व्हायरल केला, त्यानंतर पोलिसांनी या प्रकरणाचा तपास करत महिलेच्या पतीला अटक केली आहे. प्रेमराम मेघवाल (वय ३२) असं या निर्दयी पतीचं नाव आहे.

पोलिसांनी दिलेल्या माहितीनुसार, पीडित महिलेने तिच्या जैसलमेरमध्ये राहणाऱ्या बहिणीला भेटण्यासाठी आग्रह धरला होता. मात्र काही केल्या पतीने तिला भेटण्याची परवानगी दिली नाही. तिने हट्ट धरला आणि तिच्या बहिणीकडे जाण्याचा विचार केला. त्यामुळे संतापलेल्या प्रेमराम तिला जबर मारहाण केली. इतकचं नाही तर तिला फरफटत ओढून नेलं आणि दुचाकीच्या मागे बांधल. दुचाकी सुरू केली आणि तुला गावभर फरफटत नेलं.

प्रेमराम तिला गावभर फरफटत नेत असताना संपूर्ण गाव बघ्याची भूमिका घेत होतं. काहीजण तर व्हिडिओ काढण्यात मग्न होते. हा प्रकार पाहण्यासाठी गावातील लोकांनी गर्दीही केली होती. मात्र या गर्दीतून एकही व्यक्ती त्या महिलेच्या मदतीला धावून आली नाही. उलट हा व्हिडिओ सोशल मीडियावर व्हायल केला. या घटनेत महिला गंभीर जखमी झाली आहे. मात्र त्या महिलेने या घटनेची तक्रार अद्याप पोलीस स्थानकात दिलेली नाही.

पोलिसांनी या घटनेचा व्हिडिओ व्हायरल झाल्यानंतर महिलेच्या पतीला अटक केली आहे. तो नशेच्या आहारी गेला असून त्यातून हे कृत्य झालं आहे. या घटनेचा अधिक तपास सुरू आहे.