Balaknath Yogi:

राजस्थानमध्ये विधानसभा निवडणुकांचे निकाल येण्यास सुरूवात झाली आहे. आतापर्यंत समोर आलेल्या कलांनुसार, राजस्थानमध्ये भाजपची बहुमताच्या दिशेने वाटचाल सुरू असल्याचं दिसतंय. भाजप सध्या १११ जागांवर आघाडीवर असल्याचं दिसतंय. तर काँग्रेस ७० जागांवर आघाडीवर असल्याचं दिसतंय. एकंदर आतापर्यंत आलेल्या कलांनुसार, राजस्थानमध्ये भाजपची सत्ता येण्याची शक्यता वर्तवली जात आहे. यासह मुख्यमंत्री पदासाठी काही नावांची चर्चा देखील जोर धरू लागली आहे.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

माजी मुख्यमंत्री वसुंधरा राजे या राजस्थानमध्ये मोठा चेहऱ्या ठरल्या आहेत. त्यामुळे पुन्हा एकदा त्यांचे नाव मुख्यमंत्री पदाच्या शर्यतीत आल्याचे दिसत आहे. वसुंधरा यांच्यासह मुख्यमंत्री पदाच्या शर्यतीत गजेंद्र सिंह रेखावत, अर्जुन राम मेघवाल आणि सतीश पुनिया यांची नावेही चर्चेत आहेत. तसेच सीपी जोशी यांच्या नावाचीही मुख्यमंत्री पदासाठी चर्चा होतेय.

पुढचे मुख्यमंत्री योगी?

बाबा बालकनाथ योगी यांना तिजार मतदारसंघातून मोठा विजय मिळण्याची शक्यता आहे. त्यामुळे बाबा बालकनाथ योगी यांच्या नावाचीही सर्वसामान्यांमध्ये मोठी चर्चा होत आहे. योगी विद्यमान खासदार आहेत. भाजपने त्यांना विधानसभा लढवण्यस सांगितले होते.

या आधी यूपीमध्ये भाजपने योगी आदित्यनाथ यांना मुख्यमंत्री पदाचा मान देऊन विजय मिळवला आहे. त्यामुळे राजस्थानध्येही हाच फॉर्म्यूला वापरला जाऊ शकतो अशी शक्यता आहे. बाबा बालकनाथ योगी हे अलवरयेथील रहिवासी आहेत. ते रोहतक येथील नाथ संप्रदायाच्या मठाचे महंत आहेत. तसेच योगी आदित्यानाथ यांच्या निकटवर्तीयांमध्ये त्यांची गणना केली जाते.