Rahul Gandhi PC : काँग्रेसचे नेते राहुल गांधी यांनी 'मोदी आडनाव' यावरुन केलेल्या वक्तव्याप्रकरणी सूरतच्या कनिष्ठ न्यायालयाच्या निकालाला सर्वोच्च न्यायालयाने दिलासा दिला आहे. राहुल गांधींना दोषी ठरवण्याचा सूरत न्यायालयाच्या निकालाला आता सर्वोच्च न्यायालयाने स्थगिती दिली आहे. राहुल गांधी यांनी या निर्णयानंतर नंतर बोलताना, सर्वांचे आभार मानले. सत्याचा विजय होतोच.

 राहुल गांधी म्हणाले, आज नाही तर उद्या सत्याचा विजय होईल. मला माझे ध्येय माहित आहे. देशासाठी जे करायचं ते करणारच आहे. आम्हाला मदत करणाऱ्या सर्वांचे आणि जनतेने दिलेल्या प्रेम आणि पाठिंब्याचे आभार मानतो.

काँग्रेस अध्यक्ष मल्लिकार्जुन खरगे यांनी म्हटलं की, ज्यावेळी सूरत न्यायालयाचा निकाल आला त्यावेळी वेगाने राहुल गांधी यांची खासदारकी रद्द करण्यात आली होती. आता खासदारकी किती वेळाता पुन्हा बहाल केली जाते हे पाहुया. (Latest News)

आजचा विजय केवळ राहुल गांधी यांचा नाही. एक व्यक्ती जो सत्यासाठी लढत आहे. देशाच्या हितासाठी लढत आहे. महागाई, बेरोजगारी, भारत जोडो यात्रेत मिळालेल्या सर्व नागरिकांच्या पाठिंब्याचा हा विजय आहे, असंही मल्लिकार्जुन खरगे यांनी म्हटलं.