मुख्य निवडणूक आयुक्त ज्ञानेक कुमार यांच्या राजीनाम्याच्या मागणीसाठी इंडिया आघाडी आक्रमक झालीयय. निवडणूक आयुक्तांच्या राजीनाम्यासाठी विरोधी पक्षनेते खासदर राहुल गांधी आपल्या इतर खासदारासोबत जंतरमंतरकडे कूच केली. जंतरमंतरकडे जात असताना पोलिसांनी खासदारांना रोखलं. त्यांच्या बसेस अडवल्या. त्याच्या निषेधार्थ प्रियंका गांधी रस्त्यावर ठिय्या मांडला. पोलिसांनी खासदारांना मारहाण केल्यानं प्रियंका गांधी आक्रमक झाल्या असून त्या रस्त्यावर झोपून आंदोलन करू लागल्या. त्यानंतर पोलिसांनी राहुल गांधींना खांद्यावर उचलून गाडीत कोंबलं.यामुळे जंतरमंतर परिसरात मोठा गदारोळ माजलाय.

मुख्य निवडणूक आयुक्त ज्ञानेश कुमार यांच्या संदर्भात काँग्रेस अध्यक्ष मल्लिकार्जुन खर्गे यांनी दिलेल्या आवाहनानुसार, 'इंडिया' (INDIA) आघाडीचे खासदार दिल्लीतील जनपथ येथील 'सागर रत्न' रेस्टॉरंटमध्ये जमले होते. हे रेस्टॉरंट जंतरमंतरपासून अवघ्या १०० मीटर अंतरावर असल्याने त्या परिसरात मोठा पोलीस बंदोबस्त तैनात करण्यात आला होता. बॅरिकेड्स लावण्यात आले होते. तसेच तिथे सध्या बीएनएसएस (BNSS) च्या कलम १६३ अंतर्गत निर्बंध लागू आहेत.

पोलिसांनी खासदारांना मारहाण केली, प्रियंका गांधींचा गंभीर

मुख्य निवडणूक आयुक्त ज्ञानेश कुमार यांच्याविरोधात कालपासून सुरू झालेल्या या आंदोलनाने आज रौद्ररुप धारण केलं. काँग्रेस नेते राहुल गांधी आणि पक्षाच्या सरचिटणीस प्रियंका गांधी यांच्या नेतृत्वाखाली झालेल्या या आंदोलनामुळे दिल्ली पोलिसांची मोठी तारांबळ उडाली. अचानक शेकडोच्या संख्येने एकत्र आलेल्या विरोधकांनी जंतरमंतरच्या दिशेने कूच केले. आंदोलकांनी मुख्य निवडणूक आयुक्तांच्या राजीनाम्याची जोरदार मागणी केली.

रस्त्यावर ठिय्या मांडल्यानंतर प्रियंका गांधी यांनी पोलिसांच्या वर्तनावर अत्यंत गंभीर आरोप केले आहेत. माध्यमांशी बोलताना त्या म्हणाल्या पोलिसांनी शांततापूर्ण मार्गाने आंदोलन करणाऱ्या लोकप्रतिनिधींना आणि खासदारांना चुकीच्या पद्धतीने हटवले व मारहाण केली. पोलीस प्रशासनाने महिला व वरिष्ठ खासदारांशी अत्यंत गैरव्यवहार केला असा आरोप प्रियंका गांधींनी केलाय.