पंतप्रधान नरेंद्र मोदींच्या परदेश दौऱ्यातल्या राष्ट्रप्रमुखांसोबतच्या भेटीगाठींवरून विरोधी पक्षनेते राहुल गांधींनी खिल्ली उडवल्यामुळे राजकीय भडका उडालाय. दिल्लीतील एका कार्यक्रमात राहुल गांधींनी पंतप्रधानांसह केंद्र सरकारच्या धोरणांवर जोरदार हल्लाबोल केला. सरकारच्या परराष्ट्र धोरणावर बोलताना मंचावर राहुल गांधींनी काँग्रेस नेते संदीप दीक्षित यांना मिठी मारत थेट मोदींची नक्कल करून दाखवली. त्यानंतर संदीप दीक्षित यांनी इटलीच्या पीएम जॉर्जिया मेलोनींचा दाखला दिला. त्यामुळे उपस्थितांमध्ये एकच हशा पिकला. त्यामुळे या घटनेबाबत भाजप चांगलीच आक्रमक झालीय.

खरंतर, नीट पेपरफुटीप्रकरणी दिल्लीत झालेल्या विद्यार्थी आंदोलनावरून केंद्र सरकार बॅकफूटवर गेलंय. त्यात विद्यार्थ्यांवर झालेल्या लाठीचार्जवरून विरोधकांनी सरकारची कोंडीदेखील केली. त्यामुळे काँग्रेसनं सत्ताधारी भाजपला कोंडीत पकडण्याची एकही संधी सोडलेली नाहीये. एव्हंढच नाहीर आता परराष्ट्र धोरणावरूनही काँग्रेसनं मोदी सरकारला टार्गेट करण्याची रणनीती आखल्याचं दिसतंय. मात्र यामुले भाजप विरुद्ध काँग्रेस असा संघर्ष आणखी तीव्र होण्याची चिन्हे आहेत...