महाराष्ट्रातील राजकारणात ज्याप्रमाणे मोठी घडामोडी होताना दिसत आहेत. त्याच दक्षिणेतील एका राज्यात मोठी राजकीय उलथापालथ होण्याची शक्यता आहे. आम्ही चर्चा करत आहोत, तमिळनाडूमधील राजकीय स्थितीची. तेथील मुख्यमंत्री सी. जोसेफ विजय यांच्या नेतृत्वाखालील 'तमिळगा वेत्री कळघम' (TVK) हा पक्ष आता बहुमताच्या जवळ पोहोचू लागलाय. त्यामुळे राज्यातील सराकर अजून मजबूत होणार आहे.

हाती आलेल्या वृत्तानुसार मुख्य विरोधी पक्ष असलेल्या 'एआयएडीएमके'मधील (AIADMK) आणखी सुमारे १० आमदार १५ ऑगस्टपूर्वी विधानसभेचा राजीनामा देत अधिकृतपणे सत्ताधारी 'टीव्हीके' (TVK) पक्षात सामील होण्याची शक्यता आहे. विजय यांच्या पक्षात या योजनेला 'ऑपरेशन एल' (Operation L) असे नाव देण्यात आले आहे.

सूत्रांच्या माहितीनुसार 'ऑपरेशन एल'चा पूर्ण प्लॅन तयार करण्यात आलाय. त्यापार्श्वभूमीवर आमदारांच्या राजीनाम्यांची वेळ अत्यंत विचारपूर्वक निश्चित करण्यात आली. निवडणूक आयोग लवकरच विधानसभेच्या पोटनिवडणुकांची घोषणा करण्याची शक्यता आहे. यासंदर्भातील चर्चेत सहभागी असलेल्या एका ज्येष्ठ नेत्याने नाव न सांगण्याच्या अटीवर 'द इंडियन एक्सप्रेस' या वृत्तसंस्थेला सांगितले की, "राजीनामे आणि पक्षबदलाची ही संपूर्ण प्रक्रिया स्वातंत्र्यदिनापूर्वी पूर्ण केली जाईल. यामागील उद्देश म्हणजे निवडणूक आयोगाने पोटनिवडणुकीच्या तारखा जाहीर करण्यापूर्वी ही प्रक्रिया पूर्ण करणे आहे. गेल्या काही आठवड्यांपासून ही राजकीय उलथापालथ सुरू आहे.