दिल्लीतील जंतरमंतरवरील आंदोलनात पंतप्रधान नरेंद्र मोदींना शिवीगाळ करणाऱ्या रुचिका सिंहवर नोएडात एफआयआर दाखल झाली.... ही एफआयआर दाखल झाल्यानंतर रात्री उशीरा पंतप्रधान नरेंद्र मोदींनी तरुणांना आवाहन करत एक व्हिडिओ प्रसिद्ध केला... या व्हिडिओ पंतप्रधानांनी तरुणांच्या चुकीबद्दल त्यांना माफ केल्याचं आणि विद्यार्थ्यांवर पोलिस कारवाई न करण्याची भूमिका मांडली...तर दुसरीकडे ट्रोल झालेल्या रुचिका सिंहनेही व्हिडिओद्वारे पंतप्रधानांची जाहीर माफी मागितली...

पंतप्रधान नरेंद्र मोदींनी विद्यार्थ्यांवर कारवाई न करण्याची भूमिका मांडलेली असताना रुचिकावर गुन्हा दाखल झालाय. त्यामुळे CJPच्या अभिजित दिपकेंनी भाजपवर निशाणा साधला... शिवीगाळ करणं गुन्हा असेल तर सर्वाधिक गुन्हे भाजप IT सेलवर दाखल होतील, असा टोला दिपकेंनी लगवला...

पंतप्रधानांनी माफ केलं असलं तरी आंदोलक विद्यार्थ्यांवर दाखल झालेले गुन्हे मागे घेण्यासंदर्भात सरकारनं कुठलीच पावलं उचलली नाहीत...तर दुसरीकडे ऑनलाईन माफ केलं मात्र गुन्हे कधी मागे घेणार असा सवाल साम टिव्हीच्या ब्लॅक अँण्ड व्हाईट मुलाखतीतही दिपकेंनी उपस्थित केलाय. तर लाठीचार्ज केल्याबद्दल आणि आत्महत्या केलेल्या विद्यार्थ्यांच्या कुटुंबीयांची माफी कधी मागणार असा सवाल ठाकरे बंधूंनी मोदींना केलाय़.

जंतरमंतरवर आंदोलन करणाऱ्या शेकडो विद्यार्थ्यांवर दिल्ली पोलिसांनी गुन्हा दाखल केलाय... रुचिका सिंहनं तर जाहीर माफी मागूनही तिच्यावर 352, 353, 356 सारखी गंभीर कलमं लावली आहेत...तसंच विविध राज्यांमध्येही पोलिसांक़डून कारवाई सुरूच आहे. मात्र आता पंतप्रधानांनीच थेट माफ केल्यामुळे पोलीस गुन्हे मागे घेऊन कारवाई थांबवणार का? हा खरा प्रश्न आहे.