अयोध्येत रामलल्लाच्या मूर्तीची प्राणप्रतिष्ठा केल्यानंतर पंतप्रधान नरेंद्र मोदींनी नवीन योजना लागू केलीय. देशातील नागरिकांच्या घराच्या छतावर सोलर सिस्टीम असावी असा संकल्प पंतप्रधान मोदींनी केला होता, त्यांचा हा संकल्प पूर्ण होऊ लागलाय. आज पंतप्रधान मोदींनी एक कोटी लोकांच्या घरांना रुफटॉप सोलर बसवण्याची योजना सुरू केलीय. (Latest News)
पंतप्रधान मोदींनी आपल्या एक्स या सोशल मीडिया प्लॅटफॉर्मवर पोस्ट करताना सांगितलं की, जगातील सर्व राम भक्तांना सूर्यवंशी भगवान श्री रामाच्या रुपातून नेहमी ऊर्जा मिळते. आज अयोध्येतील अभिषेक प्रसंगी माझा संकल्प अधिक दृढ झालाय की, भारतातील लोकांच्या घराच्या छतावर स्वतःची सोलर रूफ टॉप यंत्रणा असावी. अयोध्येतून परतल्यानंतर आमचे सरकार “प्रधानमंत्री सूर्योदय योजना” सुरू करेल. या योजनेतून देशातील १ कोटी घरांच्या छतावर सोलर बसविण्याचे ध्येय समोर ठेवले आहे . या योजनेमुळे गरिब आणि मध्यमवर्गीय लोकांचा विजेचा प्रश्न सुटेल आणि भारत देश ऊर्जा क्षेत्रात आत्मनिर्भर बनेल.
('साम टीव्ही'चं व्हॉट्सअॅप चॅनल जॉईन करण्यासाठी येथे क्लिक करा)
अयोध्यामध्ये भव्य राम मंदिरात रामलल्लाची मूर्तीची प्राणप्रतिष्ठेला एक नव्या युगाचा प्रारंभ झाल्याचं दरम्यान पंतप्रधान नरेंद्र मोदींनी म्हटलं. नागरिकांनी पुढील १००० वर्षांपर्यंत मजबूत, भव्य आणि दिव्य भारत तयार करावा असं आवाहनदेखील मोदींनी केलं. प्राणप्रतिष्ठेच्या सोहळ्यानंतर पंतप्रधान मोदींनी 'सियावर रामचंद्र की जय' आणि 'जय श्री राम'च्या घोषणा देत लोकांना संबोधित करताना हा केवळ विजयाचा नाही तर नम्रतेचा क्षण असल्याचं मोदी म्हणाले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.