PM kisan Yojana 19th Installment : देशातील कोट्यवधी शेतकरी मागील काही महिन्यांपासून १९ व्या हप्त्याच्या प्रतीक्षेत होते. आज देशातील कोट्यवधी शेतकऱ्यांची प्रतिक्षा संपली आहे. पंतप्रधान नरेंद्र मोदी यांनी पीएम किसान योजनेचा १९ वा हप्ता जारी केला आहे. पंतप्रधान नरेंद्र मोदी हे बिहारच्या दौऱ्यावर असताना पीएम किसान योजनेच्या हप्त्याची घोषणा केली. पंतप्रधान मोदी यांनी ९ कोटींहून अधिक शेतकऱ्यांच्या खातेदारांसाठी २२ कोटींचा रक्कम ट्रान्सफर केली आहे. यावेळी पंतप्रधान नरेंद्र मोदी यांच्यासोबत केंद्रीय कृषीमंत्री शिवराज सिंह चौहान देखील होते.

२२ हजार कोटी रुपये ट्रान्सफर

शेतकऱ्यांना आर्थिक मदत करण्यासाठी पंतप्रधान किसान निधी योजना चालवली जाते. पीएम किसान योजनेअंतर्गत वार्षिक ६ हजार रुपये दिले जातात. हीच रक्कम शेतकऱ्यांना खात्यात ट्रान्सफर केली जाते. आज १९ वा हप्ता जारी केल्यानंतर शेतकऱ्यांना १९ वा हप्ता मिळणे सुरु झाले आहे. पंतप्रधान नरेंद्र मोदी यांनी बिहारमधून भागलपूरमधून १९ व्या हप्त्याची घोषणा केली. या योजनेअंतर्गत एकूण २२ हजार कोटी शेकऱ्यांना ट्रान्सफर केले आहेत. आतापर्यंत ९.७ कोटी शेतकऱ्यांना बँक खात्यात २००० रुपये ट्रान्सफर करण्यात आले आहेत.

पंतप्रधान नरेंद्र मोदी शेतकऱ्यांशी संवाद साधण्यासाठी कृषी विद्यालयात पोहोचले. यावेळी त्यांनी शेतकऱ्यांशी चर्चा केली. यावेळी कार्यक्रमात पंतप्रधान नरेंद्र मोदी यांच्यासोबत बिहारचे मुख्यमंत्री नीतीश कुमार देखील होते. या व्यतिरिक्त शिवराज सिंह चौहान, चिराग पासवान देखील होते. भागलपूरमधील या कार्यक्रमात १३ जिल्ह्यांचे ३ ते ४ लाख शेतकरी सहभागी झाले होते. यावेळी कृषी प्रदर्शनाचंही आयोजन करण्यात आलं होतं.

पीएम किसान सन्मान निधी योजनेची सुरुवात ६ वर्षांपू्वी २४ फेब्रुवारी २०१९ रोजी झाली होती. केंद्राच्या या योजनेअंतर्गत पात्र शेतकऱ्यांना ६००० रुपये वार्षिक आर्थिक सहाय्य केले जाते. १९ वा हप्ता देण्याआधी ११ कोटींहून शेतकऱ्यांना १८ हप्ते दिले आहेत. १८ हप्त्यांमधून शेतकऱ्यांना ३.४६ लाख कोटींहून अधिक रुपयांची रक्कम दिली आहे.