पाकिस्तानच्या उत्तर-पश्चिम भागात मोठा बॉम्बस्फोट झालाय. यात ७ जणांचा मृत्यू झालाय तर ९ जण जखमी झालेत. या स्फोटाप्रकरणी पोलीस अधिकारी उस्मान वजीर यांनी माहिती दिलीय. हा स्फोट खैबसर पख्तूनख्वा भागातील दक्षिण वजिरिस्तान जिल्ह्यातील प्रमुख शहर वाना येथे झाला. रुग्णालयाने दिलेल्या माहितीनुसार,या स्फोटात १६ जण जखमी झाले होते, त्यापैकी ७ जणांचा उपचारादरम्यान मृत्यू झाला.

विस्फोटात जखमी झालेल्यांना जवळील रुग्णालयात दाखल करण्यात आले आहे. रुग्णालयाच्या प्रशासनाने दिलेल्या माहितीनुसार, जखमींची अवस्था गंभीर आहे. दरम्यान अद्याप कोणत्याच दहशतवादी ग्रुपने या विस्फोटाची जबाबदारी घेतली नाहीये. शांती समिती तालिबानचा विरोध करते. ही समिती स्थानिक लोकांचे वाद सोडवण्याचं काम करते,अशी माहिती पोलीस अधिकारीने दिलीय. दरम्यान अफगाणिस्तानमधून पाकिस्तानमध्ये शिरण्याचा प्रयत्न करणाऱ्या ५४ दहशतवाद्यांना पाकिस्तानच्या सैन्याने कठंस्नान घातलं होतं.

ही चकमक वजिरिस्तान जिल्ह्यात झाली होती. त्यानंतर शांती समितीमध्ये बॉम्ब विस्फोट झाला. हा विस्फोट इतका भीषण होता की, शांती समितीचं कार्यालयाची इमारत नष्ट झालीय. यात अनेक लोक त्या इमारतीच्या मलब्या खाली दबल्या गेले आहेत.