नवी दिल्ली : भारतात आता ६ ते १२ वर्षाच्या वयोगटातील मुलांसाठी कोवॅक्सिन या भारत बायोटेकच्या लसीला मान्यता देण्यात आली आहे. २ महिन्यांपूर्वी आटोक्यात आलेल्या कोरोनाने पुन्हा डोके वर काढल्याने नागरिकांची चिंता वाढली आहे. कारण आता देशाच्या राजधानी दिल्लीसह अनेक राज्यांमध्ये पुन्हा कोरोना (Corona) रुग्ण सापडायला सुरुवात झाली आहे. कर्नाटक सरकारने (Karnatak) देखील आता मास्कची सक्ती केली आहे.

याच पार्श्वभूमीवर आता लहान मुलांच्या लसीकरनाबाबत मोठा निर्णय घेण्यात आला असून भारतात आता ६ ते १२ वर्षाच्या वयोगटातील मुलांसाठी Covaxin या भारत बायोटेकच्या लसीला मान्यता देण्यात आली आहे.

हे देखील पाहा -

ही मान्यता ड्रग कंट्रोलर जनरल ऑफ इंडिया (DCGI) आज मंगळवार २६ एप्रिल रोजी दिली आहे. ही मंजुरी लसीच्या आपत्कालीन वापरासाठी देण्यात आली असून भारत बायोटेकची ही लस दोन डोसमध्ये दिली जाणार आहे. शिवाय DCGI ने कंपनीला पहिल्या दोन महिन्यांसाठी दर १५ दिवसांनी सुरक्षिततेबाबतची माहिती देखील सादर करण्यास सांगितले आहे. शिवाय पाच महिन्यांसाठीचा सेफ्टी डेटा देखील द्यावा लागणार आहे.

Edited By - Jagdish Patil