नवी दिल्ली : राष्ट्रवादी काँग्रेसचे आमदार नवाब मलिक यांना सुप्रीम कोर्टाने मोठा दिलासा दिला आहे. नवाब मलिक यांचा मेडिकल जामीन कोर्टाने कायम केला आहे. मलिक जोपर्यंत आजारी आहेत, तोपर्यंत त्यांना तुरुंगाबाहेर येता येणार आहे. मलिक यांच्या जामिनाही ईडीने विरोध केला नाही.

मिळालेल्या माहितीनुसार, काही महिन्यांपूर्वी नवाब मलिक हे मनी लॉन्ड्रिंग प्रकरणात तुरुंगात होते. या प्रकरणात नवाब मलिक यांना जामीन मिळाला असून सध्या तुरुंगाबाहेर आहे. नवाब मलिक यांना मेडिकल जामीन मिळाला आहे. नवाब मलिक यांचा हाच मेडिकल जामीन कायम ठेवला आहे. त्यामुळे नबाव मलिक आजारी असेपर्यंत तुरुंगाबाहेर राहणार आहे. मलिक यांच्या जामिनाला ईडीने देखील विरोध केलेला नाही.

कथित गोवावाला कंपाऊंड प्रकरणात नवाब मलिक यांना २०२२ साली ईडीकडून अटक करण्यात आली होती. पुढे २०२३ साली आरोग्याच्या कारणामुळे जामिनावर बाहेर आले होते. जामिनावर बाहेर आलेले नवाब मलिक यांनी विधानपरिषदेच्या निवडणुकीलाही हजेरी लावली होती. त्यांनी मतदानाचा हक्काही बजावला होता. या मतदानाच्या आधी शरद पवार गटाचे प्रदेशाध्यक्ष जयंत पाटील यांनी नवाब मलिक यांची भेट घेतली होती. a

काय आहे प्रकरण?

कुर्ल्यातील गोवावा कंपाऊड येथील जमीन व्यवहारात मनी लॉन्ड्रिंग केल्याचा आरोप नवाब मलिक यांच्यावर आहे. नवाब मलिक यांनी गोवावाला कंपाऊंडमधील मुनीरा प्लंबर या महिलेची तीन एकर जमीन कट रचून बेकायदेशीरपणे हडपल्याचा आरोप आहे. या जमिनीसाठ बॉम्बस्फोट प्रकरणातील आरोपीशी व्यवहार केल्याचाही आरोप आहे. याच कारणावरून फेब्रुवारी २०२२ मध्ये ईडीने अटक केली होती.