नवी दिल्ली -पंतप्रधान नरेंद्र मोदी (PM Narendra Modi) यांनी काल (१७ जानेवारी) रात्री वर्ल्ड इकॉनॉमिक फोरमच्या दाव्होस अजेंड्यात दूरसंवादाद्वारे विशेष भाषण दिले. पंतप्रधान मोदींनीया भाषणामध्ये अनेक मुद्दे उपस्थित केले. प्रचाराची सभा असो, उद्घाटनाचा कार्यक्रम असो किंवा आंतरराष्ट्रीय परिषद, बैठक यामध्ये मोदींच्या भाषणाची चर्चा नेहमीच होत असते. आपल्या भाषणांसाठी ओळखले जाणारे पंतप्रधान मोदी या भाषणामधूनही छाप पाडून गेले. व्हर्च्युअल पद्धतीने झालेल्या या भाषणावेळी काही तांत्रिक अडचणीमुळे सुरुवातीला अडथळा निर्माण झाला. त्यामुळे अचानक पंतप्रधान नरेंद्र मोदी यांना भाषण थांबवावं लागलं आणि त्यांचा काही क्षण गोंधळही उडाला. (PM Narendra Modi PM teleprompter Latest News)

हे देखील पहा -

भारतीयांनी कोरोनाविरुद्ध लढा कसा दिला यासंदर्भात बोलताना भारतीयांची इच्छाशक्ती चांगली आहे, असं मोदी म्हणाले. मात्र यानंतर टेलिप्रॉम्टरमध्ये काहीतरी तांत्रिक अडचण आली आणि तो बंद झाला. त्यानंतर ते थोड्या संतापलेल्या हावभावासहीत स्क्रीनच्या उजवीकडे पाहू लागले. त्यानंतर हात वर करत कानात हेडफोन लावत समोर असलेल्यांना ऐकू येतंय ना असा प्रश्न विचारु लागले. त्यानंतर टेलिप्रॉम्प्टर पुन्हा सुरु झाले आणि पंतप्रधान नरेंद्र मोदी यांनी पुन्हा भाषण पहिल्यापासून सुरु केलं.

या साऱ्या प्रकारानंतर सोशल मीडियावरुन टीका होऊ लागली आहे. काँग्रेसच्या अधिकृत ट्विटर हॅण्डलवरुनही ‘हमें तो टेलीप्रॉम्प्टर ने लूटा, अपनों में कहां दम था।’, म्हणत मोदींवर निशाणा साधला आहे. #TeleprompterPM हा हॅशटॅग देखील काँग्रेसने ट्विट करताना वापरला आहे. तसेच या प्रकरणावर काॅंग्रेस नेते राहून गांधी यांनी ट्विट करुन पंतप्रधान नरेंद्र माेदींवर टीका केली आहे. इतकं खाेटं Teleprompter ला पण सहन नाही झालं अशी टीका त्यांनी केली आहे.